IMPACTO POSITIVO SOCIAL

Coñece as nosas iniciativas socialmente responsables:

APOIO Á SOCIEDADE

Reforzamos o noso compromiso con institucións, entidades sociais, ONG e colectivos desfavorecidos, para construír unha sociedade mellor.

Ver máis

ACHEGA AO DESENVOLVEMENTO CULTURAL E DEPORTIVO

Apoiamos numerosas iniciativas culturais e deportivas nas que convidamos a participar á nosa clientela.

Ver máis

APOIO Á SOCIEDADE

MAIO SOLIDARIO

Desde o 2012 realizamos esta campaña solidaria a favor dos Bancos de Alimentos que durante o mes de maio permite doar alimentos non perecedoiros, así como facer achegas económicas que se suman á propia doazón que realizamos desde Gadis.

Saber máis

ALIMENTA A AMIZADE

Alimenta a amizade é a nosa campaña solidaria para cans e gatos sen fogar. Desde 2019, cada mes de outubro, organizamos recollidas de produtos e doazóns económicas a favor de entidades de protección animal de Galicia e Castela e León, ás que sumamos un % da nosa propia doazón.

Saber máis

DOAZÓNS

En GADIS cremos necesario que o desenvolvemento económico vaia unido aos actos solidarios. Desta maneira, facemos da solidariedade un piar fundamental na nosa política de empresa. Colaboramos coa Gran Recollida de Alimentos, con UNICEF, que permitiu axudar a máis de 300.000 nenos e nenas en situación de vulnerabilidade a través de vacinas, tratamentos contra a desnutrición e acceso a auga potable, apoio á situación de emerxencia de UCRAÍNA…

APOIO A ENTIDADES SOCIAIS

Colaboramos con ONG e asociacións de ámbito local e internacional apoiando diversas iniciativas dirixidas a colectivos vulnerables ou con necesidades especiais, como por exemplo a Asociación de Celíacos de Galicia.

Saber máis

BEBÉ GADIS

Bebé Gadis é unha iniciativa de Gadis para acompañarte en todas as etapas da maternidade e a paternidade, desde a primeira semana do embarazo ata pasados os 3 anos do teu bebé. En bebegadis.es compartimos información, consellos e recomendacións avalados por pediatras e informámoste de como adquirir a mochila #BebéGadis.

Saber máis

FAMILIAS NUMEROSAS

En Gadis queremos evitar que as familias numerosas se vexan en desvantaxe en comparación con outros núcleos, por iso, as familias numerosas poden presentar o seu carné de familia numerosa á hora de realizar o pago en caixa ou ben rexistrar o número do carné en Gadis+, para ir acumulando unha porcentaxe das compras.

Saber máis

GADIS COAS ONG

Gadis coas ONG é unha iniciativa que impulsa a colaboración das empresas co tecido asociativo e pon en valor o impacto positivo que estas sinerxías xeran local e globalmente.

Saber máis

ACHEGA AO DESENVOLVEMENTO CULTURAL E DEPORTIVO

COMPETICIÓNS E EVENTOS DEPORTIVOS

A nosa colaboración coa celebración de eventos e actividades deportivas abarca distintas disciplinas, como carreiras populares, celebración do día da bicicleta, iniciativas relacionadas co motor, campionatos de tenis, pádel, fútbol, golf, baloncesto, deportes de auga ou tríatlon entre outras, como patrocinios, campus ou campamentos.

Saber máis

PATROCINIOS INSTITUCIONAIS

Apoiamos o equipo paralímpico desde 2008, estando presentes en tres Xogos Paralímpicos: Pequín 2008, Londres 2012 e Río de Janeiro 2016 contribuíndo á consolidación e continuidade do deporte paralímpico español.

Saber máis

APOIO Á CULTURA

Tamén apoiamos proxectos vinculados ao cine, ao mundo audiovisual e á arte, como coa Orquestra Sinfónica de Galicia. Mediante esta colaboración e o sorteo de invitacións entre os nosos clientes para os concertos, apostamos por facer máis accesible este tipo de música.

Saber máis

DÍA DAS LETRAS GALEGAS

Cada ano realizamos algunha acción de apoio á cultura galega para homenaxear aos e as escritoras elixidas para o Día das Letras Galegas. Ademais, durante os últimos 15 anos publicamos máis de 300.000 libros en galego sempre repartidos de forma gratuíta nesta data tan sinalada.

Saber máis

CONCURSO DE MICRORRELATOS

Nos últimos anos, desenvolvemos un Concurso de Microrrelatos, escritos en menos de 100 palabras. Este proxecto pretende impulsar o talento literario entre os mozos. Cos microrrelatos finalistas editamos 12.000 exemplares cada ano dun libro recompilatorio, que se regala nos nosos puntos de venda.

Saber máis