COMPETICIÓNS E EVENTOS DEPORTIVOS

Desde GADIS entendemos que o deporte ten un papel fundamental na promoción dun estilo de vida saudable. Apoiamos o deporte e o lecer activo para todas as persoas, desde o público familiar ata o profesional.

Que facemos en Gadis?

A nosa colaboración coa celebración de eventos e actividades deportivas abarca distintas disciplinas, como carreiras populares, celebración do día da bicicleta, iniciativas relacionadas co motor, campionatos de tenis, pádel, fútbol, golf, baloncesto, deportes de auga ou tríatlon entre outras, como patrocinios, campus ou campamentos.

Promoción do ciclismo. Cada ano, participamos nas diferentes exhibicións e eventos ciclistas, onde se evidencian a fortaleza e habilidade das persoas participantes.
O deporte urbano converteuse nunha categoría en expansión. Colaboramos con iniciativas como O Marisquiño, un evento deportivo e cultural de Vigo, ou Street Games, festival internacional de deporte urbano da Coruña.
Conectamos o mar coa actividade deportiva a través do noso apoio ao Pantín Classic, o maior evento de surf de España que cada verán se celebra en Galicia; ao Winnerman, o Desafío das Illas Cíes ou á Tripla Coroa Illas Atlánticas. Tamén impulsamos outros deportes como a vela ou o remo.
Formar parte de iniciativas deportivas como a hípica fomenta as relacións de respecto entre as persoas e os animais dunha forma divertida e sa. Entre outros, apoiamos Equiocio, unha proba deportiva con actividades familiares e de vida saudable, ou actividades de hípica en Valladolid.
Fomentamos actividades deportivas que apoian causas sociais como a Carreira alternativa pola igualdade da Coruña ou o Programa Deporte Solidario da Fundación Emalcsa.
Contribuímos ao fomento de deportes individuais como a ximnasia rítmica, o atletismo, etc. así como colectivos como o fútbol, o voleibol ou o hóckey. Ademais, impulsamos a celebración de iniciativas que fomentan o deporte dirixidas aos nenos e nenas en períodos vacacionais.

Por que?

Co propósito de chegar ao maior número posible de persoas no seu firme compromiso coa promoción de hábitos saudables desde a infancia, Gadis está consolidada como unha colaboradora fundamental no desenvolvemento de campus, torneos e eventos deportivos orientados a nenos, mozos e familias. Grazas a estas actividades, os máis pequenos aprenden valores como o compañeirismo, o esforzo e a cooperación. Estas iniciativas tamén supoñen un impacto económico e social positivo na súa contorna pola dinamización xerada ao redor da organización e desenvolvemento destes eventos.

Impacto

Preto do 40% das accións que apoiamos están dirixidas a apoiar eventos de lecer activo, fomentar a práctica do exercicio físico e incentivar hábitos de vida saudables e a inclusión social. Este enfoque cara á importancia dunha vida activa maniféstase en máis de 750 patrocinios e colaboracións deportivas anuais.

Obxectivos de Desenvolvemento Sostible