CONCURSO DE MICRORRELATOS

O apoio de Gadis á cultura está tamén vixente nas accións que desenvolvemos para a nosa clientela. Desde o ano 2020, poñemos en marcha un Concurso de Microrrelatos con difusión transmedia en todas as nosas canles para potenciar a creatividade a través da escritura e a lectura. En total, editamos 48.000 exemplares que se repartiron nos nosos establecementos.

Que facemos en Gadis?

O Concurso de Microrrelatos nace no ano 2020 co obxectivo de fomentar a creatividade da nosa clientela a través do envío de relatos únicos e curtos, de entre 3 e 100 palabras. A través dun xurado propio, selecciónanse os finalistas e gañadores. Ao longo das catro edicións celebradas, difundimos o concurso literario nas nosas redes sociais, nunha web da acción promocional e noutros medios de difusión en liña e offline, así como cunha tirada de libros cos relatos finalistas e/ou gañadores de cada ano. Estas foron as diferentes edicións:

IV edición do Concurso de Microrrelatos 2023 Coa temática de “a natureza”, seleccionáronse 90 textos premiados e/ou finalistas 90 textos premiados e/ou finalistas
III edición do Concurso de Microrrelatos 2022. Empregouse a temática de “os soños, reais ou imaxinarios”. En total, participaron 1.458 obras desde as 17 Comunidades Autónomas e desde países como Perú ou Países Baixos. Seleccionáronse 100 finalistas de idades entre os 14 e os 89 anos.
II edición do Concurso de Microrrelatos 2021. Coa temática de “os descubrimentos”, seleccionáronse 91 pezas finalistas entre as diferentes obras curtas recibidas no concurso. Nesta edición destacou a diversidade das Comunidades Autónomas dos autores e das autoras, xa que máis dunha terceira parte eran de comunidades de fóra de Galicia.
I edición do Concurso de Microrrelatos 2020. A temática de “os encontros” reuniu 1.819 relatos curtos dos que se seleccionaron 100 finalistas para publicarse no recompilatorio da primeira edición.

Por que?

O apoio da difusión cultural foi sempre un dos eixos de responsabilidade social de Gadis. Co Concurso de Microrrelatos, demos un paso á fronte e fomentamos a creación literaria da nosa clientela de Galicia e Castela e León e do resto de persoas do territorio. Ademais, co acceso das obras editadas, en papel e en formato dixital, fomentamos a lectura entre as diferentes persoas que nos visitan.

Impacto

Desde 2020, publicáronse 48.000 exemplares de libros de peto con 381 relatos finalistas e/ou gañadores das catro edicións do concurso. Recibimos máis de 5.000 textos inéditos en galego e castelán, fomentando a imaxinación das persoas participantes.

Obxectivos de Desenvolvemento Sostible