GADIS COAS ONG

As ONG son organizacións independentes sen ánimo de lucro que xorden a partir de iniciativas civís e que adoitan estar vencelladas a proxectos sociais, culturais, de desenvolvemento ou outro tipo de causas que xeren cambios estruturais en determinados espazos, comunidades, rexións ou países. Promoven valores como a cooperación, a solidariedade, a axuda desinteresada e o altruísmo e, por iso, é habitual asocialas a labores de voluntariado ou axuda humanitaria. Os principais enfoques destas entidades son o asistencial, a prestación de servizos e o desenvolvemento social.

Que facemos en Gadis?

Gadis coas ONG é un evento nun formato mixto (presencial e en liña) para ONG e entidades sociais de Galicia e Castela e León. Desde o ano 2020 celébrase anualmente este encontro como espazo de aprendizaxe e altofalante para as diversas accións de asociacións e ONG, axudando a estreitar lazos e a coñecer as necesidades sociais e ambientais, así como inspirar ás entidades máis pequenas a mellorar a súa xestión e os seus resultados.

Por que?

O obxectivo do foro é impulsar a colaboración entre empresas e o tecido asociativo e poñer en valor o impacto positivo que xeran na súa contorna desde ámbitos de intervención moi diversos: social, educativo, sanitario, humanitario, ambiental e cultural.

Impacto

Anualmente, reúnense máis de cen representantes das 196 organizacións ás que Gadisa apoia de maneira habitual e coas que se chega a máis de 600.000 persoas a través de accións solidarias En cada edición danse entrevistas en profundidade, mesas redondas e un taller práctico dirixido a mellorar as habilidades e coñecementos das entidades participantes. En Gadis sempre tivemos un

Obxectivos de Desenvolvemento Sostible