Receitas do prato ALIMENTES con produtos de primavera

Tras estes días de descanso nos que quizá cometemos algún exceso alimentario, é un bo momento para restablecer e achegar ao prato ALIMENTES. O menú saudable os produtos de primavera. En Gadis atoparás todos os alimentos de tempada na nosa sección de froitas e verduras, na que temos unha gran variedade de produtos frescos no punto óptimo para o seu consumo. Hoxe imos ofrecerche algunhas ideas para que deseñes pratos saudables con todo o que nos brinda esta estación. Segue a ler!

Produtos de primavera

A primavera enche de cor as nosas despensas con froitas e verduras que nos axudan a manter unha boa hidratación. É a época dos froitos do bosque, os amorodos e a froita de óso e o momento ideal para consumir saborosos tomates, pementos, espárragos, cogombros e berenxenas, por exemplo. Pero non só as froitas e verduras teñen tempada, has de saber que a carne e o peixe tamén, que adoita estar marcada, entre outros factores, polos ciclos de reprodución ou as vedas de caza.
A primavera é unha estación ideal para consumir peixes azuis, como o atún, a anchoa, o arenque, a cabala, a sardiña e o xurelo. Tamén é época de anguía, bacallau, escarapote, dourada, linguado, robaliza, pescada, mero, castañeta, perca, peixe espada, rape, raia, salmón e congro. No que respecta á carne, aínda que a súa dispoñibilidade adoita estar garantida todo o ano pola gandería intensiva, a carne de caza varía e, durante estes meses, pódese consumir lebre, paspallás ou coello, por exemplo.
Receitas do prato ALIMENTES con produtos de primavera
Os produtos de primavera permiten un sen fin de posibilidades: pratos fríos, ensaladas, cremas… Preparamos un menú no que tivemos en conta as proporcións do prato ALIMENTES (½ prato de vexetais e froitas, ¼ prato de proteínas saudables e ¼ prato de grans integrais), cumprindo a máxima principal: o consumo de produtos de tempada e de proximidade. Aquí o tes!

1. Gazpacho de cereixas con anchoas

Ingredientes
– 2 tomates pera
– un bote de anchoas en conserva
– 20 cereixas
– vinagre de frambuesa
– ½ cogombro
– 1 dente de allo
– ½ pemento verde italiano
– 100 g pan de hogaza duro
– 1 vaso de auga
– ½ vaso de aceite de oliva virxe extra
– sal
Preparación
– Lava as cereixas e sácalles o óso.
– Nun vaso de batedora, introduce as cereixas, o cogombro, o allo, o pemento verde, a auga e o sal. Tritura ata obter unha crema.
– Coa a crema cun colador fino para retirar as peles e sementes do tomate e a pel das cereixas. Engade o aceite e volve usar a batedora, dándolle uns toques para emulsionar lixeiramente e engadir o toque de vinagre.
– Refrixérao e cando vaias servilo, coloca un par de anchoas en cada cunco ou prato e ve engadindo o gaspacho con coidado.

2. Ensalada de pataca cremosa con salsa de aguacate

Ingredientes
– 1 kg pataca pequena
– 2 aguacates maduros de tamaño mediano
– 10 ml mostaza de Dijon
– 1 cullerada de perexil fresco
– 1 cullerada de coandro fresco
– ½ cullerada de ceboliño
– 1 cullerada de eneldo fresco
– 1 dente de allo
– un chisco de comiño moído
– un chisco de fiúncho seco
– 1 limón ou lima
– 2 culleradas de alcaparras
– pementa negra moída
– sal
– aceite de oliva virxe extra
Preparación
– Coce as patacas. Deben de quedar cocidas por dentro, pero que non se desfagan. Deixa amornar e reserva na neveira.
– Extrae a pulpa do aguacate e colócaa nun cunco ou prato fondo. Rocía cun chorriño de limón ou lima e machuca co garfo. Engade a mostaza, as especias, as herbas picadas e mestura todo. Agrega o resto de zume de lima ou limón, o aceite de oliva virxe extra e salpimenta.
– Saca as patacas da neveira e córtaas á metade ou en cuartos. Mestura co aderezo de aguacate e engade as alcaparras, mesturando todo con suavidade. Lista para servir!

3. Bacallau con costra de mostaza e finas herbas

Ingredientes
– 800 g lombo de bacallau
– 12 tomates cereixa
– 30 g mostaza de Dijon á antiga
– 70 ml aceite de oliva virxe extra
– 1 ovo
– 15 g perexil fresco picado
– 10 g albáfega fresca picada
– 40 g pan relado
– sal
– pementa
Preparación
– Prequenta o forno a 180 graos en función grella. Lava e salpimenta o bacallau e colócao nunha fonte engraxada con dúas culleradas do aceite de oliva coa pel cara abaixo.
– Nun bol, mestura a xema de ovo coa mostaza e estende sobre o peixe.
– Noutro bol, engade o pan relado coa albáfega e o perexil e cobre o peixe con esta mestura.
– Parte os tomates cereixa á metade e colócaos na bandexa xunto co peixe. Rocía cun pouco de aceite e enforna durante vinte minutos.

4. Crema de chocolate con froitos vermellos

Ingredientes
– 200 g aguacate maduro
– 40 g dátiles sen óso
– 25 g cacao en pó sen azúcar
– 1 plátano maduro
– 50 g de chocolate negro 85%
– 5 ml esencia de vainilla
– 150 ml de bebida de améndoas ou abelás
– un chisco de sal
– froitos vermellos e froitos secos ao gusto
Preparación
– Saca a pulpa do aguacate e pica os dátiles. Reserva.
– Derrite o chocolate.
– Tritura o aguacate cos dátiles. Engade o cacao, o sal, a vainilla e volve a triturar.
– Incorpora o plátano pelado, tritura e engade o chocolate aos poucos, axustando a textura ata obter unha textura totalmente homoxénea e cremosa.
– Deixa na neveira como mínimo media hora e serve con froitos vermellos e froitos secos ao gusto.

Que che parece este menú primaveral? Vas probalo?