Inicio das visitas Alimentes

Esta semana iniciáronse as visitas escolares aos nosos supermercados dentro da edición Alimentes 2024-2025, o noso programa para centros educativos que, cada curso académico, fomenta a educación pola sustentabilidade. Desde hai máis de 20 anos, Gadis desenvolve unha campaña de visitas guiadas, que, nun primeiro momento, estiveron dirixidas ao alumnado de educación primaria de Galicia e que logo se estenderon ao ciclo de infantil e a varias localidades de Castela e León. O seu obxectivo é crear unha experiencia educativa ao redor da temática da alimentación saudable e o consumo responsable, e, na actualidade, supón un complemento perfecto para os contidos que se ofrecen a través da nosa plataforma Alimentes Dixital.

Visitas Alimentes

O noso programa Alimentes consolidouse como un referente na comunidade educativa ao longo das máis de dúas décadas de actividade. O seu principal obxectivo é brindar aos nenos e nenas de educación infantil e primaria en Galicia e Castela e León unha formación tanto práctica como teórica ao redor da alimentación saudable, a actividade física, o consumo responsable e as estratexias para reducir o desperdicio alimentario. Neste contexto, as visitas presenciais aos nosos puntos de venda facilitan o contacto directo con moitos destes conceptos.

Nesta edición, Segovia súmase por primeira vez ás localidades nas que os centros educativos poden realizar unha visita a algún dos nosos establecementos: A Coruña, Ferrol, Santiago de Compostela, Barbanza, Lugo, Pontevedra, Vigo, Tui, Lalín, Ávila, León, Palencia, Ponferrada, Salamanca e Valladolid.

As visitas están pensadas para grupos dun máximo de 25 escolares, quen acompañados polo seu profesorado e guiados por persoas expertas nos ámbitos da saúde e a sustentabilidade percorren as distintas seccións do supermercado para completar a aprendizaxe virtual da plataforma interactiva. Durante o percorrido, ponse un foco especial nas seccións de produto fresco (peixaría, frutería e carnicería). Desta forma, transmítese que os produtos frescos e de tempada son máis sostibles e saudables.

Ao finalizar a visita, todas as persoas participantes reciben un obsequio no que se inclúe o kit do Prato Alimentes, unha guía visual que axuda a realizar as comidas principais do día de maneira saudable.

Como participar nas visitas Alimentes

O programa Alimentes é gratuíto para calquera docente de educación infantil, educación especial e educación primaria de centros de Galicia e Castela e León. Para participar nas visitas aos nosos supermercados, o proceso é moi sinxelo:

1. Teñen que rexistrarse na web da plataforma.
2. É necesario verificar o rexistro para ter acceso ao perfil no que se poderán crear grupos coas clases que desexa participar, explorar os contidos dos distintos niveis educativos con todos os recursos dispoñibles sobre a cadea de alimentos e reservar a visita a algún dos nosos supermercados das localidades nas que se ofrecen visitas.
3. Crear un grupo para cada unha das clases coas que se desexa realizar a visita.
4. Reservar a visita. Para facilitar a organización destas visitas presenciais, os docentes poderán consultar un calendario dixital que lles permitirá verificar a dispoñibilidade de datas e quendas para programar a súa visita.

O impacto positivo das visitas Alimentes

O programa Alimentes reflicte a visión e os valores da nosa empresa ao converter a promoción de hábitos saudables, o consumo consciente e o desenvolvemento sostible na nosa forma de contribuír aos desafíos económicos, sociais e ambientais que enfrontamos hoxe en día. As visitas escolares permiten que as nenas e os nenos aprendan in situ como levar a cabo un consumo responsable e unha alimentación equilibrada, centrada no consumo de produtos frescos. Desta forma, promóvese un impacto positivo desde a infancia para a consecución dos ODS 3 (Saúde e benestar), ODS 4 (Educación de calidade), ODS 12 (Produción e consumo responsable) e ODS 13 (Acción polo clima).



A participación nas visitas Alimentes foi crecendo nos últimos anos. Na actualidade, ao redor de 14.000 escolares de Galicia e Castela e León participan nesta actividade cada ano. Ademais, a iniciativa conta co recoñecemento das comunidades educativas de ambas as autonomías e, en 2018, foi galardoada co Premio Excelencia á Saúde entregado pola Fundación Mundo Ciudad.