Especial #GadisSalud: a mandarina

O 26 de xaneiro celébrase o Día Mundial da Educación Ambiental, cuxo principal obxectivo é identificar a problemática ambiental e concienciar sobre a necesidade de conservar e protexer o medio ambiente. Moitos dos actos da nosa vida cotiá teñen un impacto directo sobre a contorna. Por iso, é importante adquirir os coñecementos, os valores e as habilidades necesarias para actuar de maneira responsable e previr algúns dos danos que podemos causar.
Unha maneira sinxela de contribuír ao coidado do planeta é optar polo consumo responsable. Xa sabes que, en Gadis, sempre apostamos polo produto local e de tempada, e quixemos conmemorar esta data cun especial #GadisSalud. Por que? Porque é a nosa maneira de achegar os produtos frescos que atoparás en cada época do ano na sección de froita e verdura dos nosos supermercados. Así, non só estás ao tanto do calendario saudable, senón que tamén coñeces os beneficios do consumo de cada produto. Hoxe tócalle a quenda á mandarina! Aínda nos quedan un par de meses antes de dar por rematada a súa tempada ata o próximo outono e queremos compartir contigo algunhas curiosidades. Segue lendo!

Orixe e variedades da mandarina

A mandarina caracterízase pola súa riqueza en vitaminas antioxidantes e pola dozura do seu sabor. Cunha pulpa máis suave que a da laranxa, é tan fácil de pelar que constitúe o tentempé perfecto para consumir en calquera lugar. Provén da mandarineira, unha árbore que, de acordo coa mitoloxía, cubría a cordilleira do Atlas e crecía no xardín das Hespérides. Pero, en realidade, a súa orixe sitúase en Indochina e no sur de China; existen referencias de cultivos nestas zonas que datan do século XII aC. Co paso do tempo, foise estendendo a outras rexións e adaptouse tan ben ao clima mediterráneo que España converteuse no primeiro exportador mundial.
Parece que o seu nome débese á cor das vestimentas dos gobernantes da antiga China, os mandaríns. Ademais, o número de cuarteiróns varía entre 8 e 15 dependendo do tipo, da colleita e da especie. Hai catro tipos de mandarinas:
– Clementinas. De cor laranxa intensa e forma aplanada, non adoitan ter sementes. Pélanse con facilidade e o seu tamaño é entre pequeno e mediano.
– Clemenvillas. De tamaño máis grande que as clementinas, teñen a cortiza laranxa avermellada e moito zume.
– Híbridas. Son bastante grandes e de cor laranxa avermellada. A pulpa ten bastante zume e a cortiza está moi adherida. Son de recolección tardía, polo que agora atópanse no comezo da súa tempada.
– Satsumas. Orixinarias de Xapón, son de cor entre amarelo e laranxa. Teñen un tamaño bastante grande e forma achatada. A súa pel é rugosa e non teñen sementes.

Os beneficios da mandarina

A mandarina é unha froita rica en vitamina C, aínda que o seu contido é menor que o da laranxa. Achega poucas calorías pola súa alta proporción de auga (90%). Tamén contén provitamina A e minerais como o calcio e o magnesio. Estes son algúns dos principais beneficios do seu consumo:
– A mandarina produce sinefrina, un composto que frea a produción de colesterol no corpo.
– Os seus compostos de efecto antioxidante contrarrestan a acción dos radicais libres e protexen frente ás enfermidades dexenerativas.
– Fortalece o sistema inmune grazas a o seu contido en vitamina C, carotenos e ácido cítrico, que evitan a formación excesiva de radicais libres.
– Tamén actúa como prebiótico, mantendo a saúde da flora intestinal e disminuíndo o risco de infeccións grazas ás distintas fibras que conten.
– Mantén a saúde da pel polo seu efecto antioxidante e porque tamén axuda na formación de coláxeno, mellorando a hidratación e a elasticidade.
– Contribúe ao tratamento da anemia pola súa riqueza en vitamina C, xa que mellora a absorción do ferro presente nos alimentos.
– Protexe a vista porque é rica en luteina e zeaxantina, que son carotenoides con alto poder antioxidante que protexen a saúde dos ollos.

Cociña con mandarina

Aínda que o recomendable é comer a mandarina enteira, algo que resulta moi sinxelo, xa que é fácil de pelar e de comer, hoxe queremos mostrarche a súa versatilidade na cociña. É unha froita da que se pode aproveitar practicamente todo: os cuarteiróns, a casca, o mollo e mesmo as follas en infusión.

Receita de pito rostizado á mandarina

Ingredientes
– 8 coxas de pito
– 1 feixe de tomiño
– 4 dentes de allo
– 1 taza de caldo de pito
– 1 taza de zume de mandarina
– 5 culleradas de arandos
– 5 culleradas de pebidas de cabaza
Preparación
1. Salpimienta as coxas de pito e colócaas nunha fonte sobre unha cama de tomiño e allo esmagado Engade o caldo e o zume de mandarina.
2. Prequenta o forno a 180º e enforna o pito a esa mesma temperatura durante unha hora.
3. Mentres se cociña, lava os arandos e reserva.
4. Unha vez que está listo o pito, podes servir, adornando cos arandos e as pebidas de cabaza e regando co mollo que queda na bandexa.
Es fan das mandarinas? Engádelas a algunha receita mentres están de tempada?