Polo en prebe cremoso con tomates cherry

Name: Polo en prebe cremoso con tomates cherry
Ingredients: 8 zanquiños de polo (1kg); 1 machea de tomates cherrys; 1 diente de allo; 100 ml de viño blanco; 300 ml de nata vexetal; 100 ml de auga; 1 culleradiña de ají ou chile en po; Sal; Pementa negra; 150 g de 4 queixos; 1 culleradiña de bovril de verduras; 4 culleradas sopeiras de Ketchup; 500 g de espaguetes frescos

Unha das receitas máis exquisitas do meu receitario é este POLO EN PREBE CREMOSO CON CHERRYS, o prato favorito dos meus fillos desde sempre. Aínda que nesta receita utilicei zanquiños, resulta ideal facela con peituga cortada en anacos.

O prebe é dos que piden a berros un bo pan preto e, se ben se pode acompañar de patacas fritidas, a pasta é a compañeira perfecta que te empurrará a repetir.

O fantástico deste delicioso prato é que a pesar de ser tan rico, resulta baratiño e, aínda que eu sempre o fago para un domingo e se veñen os meus fillos con máis razón aínda porque tolean por el, non é destas receitas que te deixan tremendo a carteira. Como é norma na miña cociña, todos son ingredientes habituais que eu merco sempre en GADIS, o meu supermercado de sempre.

Anímovos a desfrutar desta receita coa vosa familia e cos amigos.

Autor/a: Gadis

Imprimir receita

Racións persoas

Ingredientes

8 zanquiños de polo (1kg)
1 machea de tomates cherrys
1 diente de allo
100 ml de viño blanco
300 ml de nata vexetal
100 ml de auga
1 culleradiña de ají ou chile en po
Sal
Pementa negra
150 g de 4 queixos
1 culleradiña de bovril de verduras
4 culleradas sopeiras de Ketchup

Para acompañar

500 g de espaguetes frescos

Elaboración paso a paso

Lavar e secar os zancos de polo. Salpementar e untar con chimichurri, cubrir con filme e refrixerar, como mínimo, 1 hora.
Poñer unha pota cun chorro de aceite ao lume; cando estea quente dourar ben o polo e pasalo a unha fonte. Reservar.
Na mesma pota engadir o dente de allo e a cebola ben picadiña. Deixar pochar ata que comece a ter unha lixeira cor dourada.
Agregar os cherry cortados pola metade, refogar e engadir o viño branco; deixar evaporar, agregar a nata, o chile, a auga, o ketchup, a culleradiña de bovril, sal e pementa. Remexer, poñer os zanquiños de polo e cociñar durante 30 minutos a lume medio. Os primeiros dez minutos farémolo coa pota tapada.
Cando xa temos a salsa no seu punto, o polo tenro e a salsa espesiña, agregamos o queixo, poñemos a tapa na pota, deixamos 5 minutos para que se derreta e apagamos o lume.
Cociñamos a pasta, poñémola no centro da fonte de servir, colocamos o polo ao redor e engadimos salsa xenerosamente, esparexemos a parte verde do talo das ceboliñas e servimos.