receita
Hai unha receita para cada momento e en Gadis queremos compartilas todas contigo.
Peixe ao sal
O peixe ao sal é unha técnica tradicional e moi sinxela que consiste en cubrir o peixe enteiro cunha capa grosa de sal e enfornalo. Desta forma, créase unha costra que o sela e permite que se cociñe no seu propio mollo, sen necesidade de graxas nin líquidos engadidos.O resultado é un peixe moi zumento, tenro e cun sabor natural intenso, mantendo toda a súa frescura. É ideal para peixes brancos como a dourada ou a robaliza, e destaca por ser unha forma limpa e saudable de cociñar que realza ao máximo a calidade do produto.
Imprimir receita
Equipamento
- 1 Bandexa de forno
- 1 Coitelo
- 1 Bol
- 1 Culler
Ingredientes
- 1,5 kg peixe branco
- 2 kg sal marina
- 2 cdas sal fina
- 50 ml auga
- Toros de limón
Elaboración paso a paso
- Nun bol mesturar o sal mariño de forno co sal fino e a auga.
- Poñer unha cama de sal nunha fonte apta para forno, sobre ela o peixe.
- Cubrir o peixe de sal, facendo unha cova, deixando destapadas a cola e o ollo. Isto serviranos para saber que o peixe está listo e enfornado.
- Forno 180 graos 30 minutos.
- Unha vez feito, comprobarémolo se a cola se desprende con facilidade e o ollo está branco. Retirar o sal, a pel e servir.
- Suxerencia: con manteiga derretida e perexil fresco picado.