ÚLTIMOS DÍAS PARA PARTICIPAR NO 7º CONCURSO DE MICRORRELATOS

O noso 7º Concurso de Microrrelatos entra na súa recta final. Esta cita cultural, xa moi consolidada despois do éxito das seis últimas edicións, invita a participantes de todas as idades a plasmar a súa creatividade en relatos moi breves (de entre 3 e 100 palabras) que xiren arredor de «Os cambios».

Lembrámosvos que o 16 de agosto é o último día para participar neste certame, co que queremos chegar a persoas de todas as idades e dar visibilidade ao talento anónimo. Outro dos obxectivos é tamén fomentar o hábito da lectura.

Requisitos de participación

As persoas interesadas en participar deberán cubrir o formulario dispoñible na web www.gadismicrorrelatos.com e presentar o seu texto orixinal, de menos de 100 palabras. O concurso está aberto a persoas maiores de 14 anos.

A temática desta edición, «Os cambios», ofrece total liberdade creativa. O xurado valorará a orixinalidade, a capacidade de síntese das obras e a creatividade.

Premios e publicación de 12.000 libros

Un dos nosos propósitos é dar visibilidade ao talento anónimo recompilando nun libro os cen relatos finalistas seleccionados polo xurado. Imprimiremos 12.000 exemplares, que distribuiremos de maneira gratuíta nos supermercados de Galicia e Castela e León, ademais de publicar na web unha versión dixital descargable.

Os premios para as persoas gañadoras consisten nun libro electrónico (ebook), ademais dun cheque de 100 euros para o primeiro premio e outro de 50 euros para o segundo.

Un éxito avalado por máis de 10.000 relatos

O concurso demostrou ter unha notable capacidade de convocatoria, acumulando máis de 10.000 relatos breves presentados nas seis últimas edicións, nas que editamos un total de 72.000 libros.