O PROGRAMA ALIMENTES REGRESA ÁS AULAS PARA FOMENTAR O CONSUMO RESPONSABLE E A ALIMENTACIÓN SAUDABLE

Voltamos ás aulas co programa educativo Alimentes. Un proxecto xa consolidado que, cada curso escolar, amplía contidos para abarcar máis conceptos e incorpora novas experiencias ao redor dos temas que traballa de forma transversal: educación sobre nutrición; consumo responsable e consciente para evitar o desperdicio alimentario, o valor do desenvolvemento sostible a través da produción local e de proximidade; e o coidado do medioambiente.

O noso obxectivo é apoiar ás familias e á comunidade educativa para que os nenos e nenas de hoxe, que son os adultos do mañá, aprendan a comer ben e que, pouco a pouco, empecen a ser conscientes da responsabilidade que teñen ao elixir os alimentos, tanto para a súa saúde como para a do planeta. Cremos que a semente do cambio plántase durante a infancia.

Un propósito común que se plasma en Alimentes, con contidos desenvolvidos por profesionais, dirixidos a alumnos da 2ª etapa de Educación Infantil e de Educación Primaria de Galicia e Castela e León, e adaptados aos currículos oficiais nas materias de Ciencias Naturais, Sociais e Educación Física.

Aberto o calendario de visitas aos supermercados

Para completar a aprendizaxe virtual, a segunda parte do programa inclúe visitas presenciais aos Supermercados Gadis, para que os alumnos poidan ver de preto as diferentes seccións, especialmente as de produto fresco: peixaría, froitería e carnizaría, facendo fincapé en que os produtos frescos e de tempada son máis sostibles e saudables. Xa se poden xestionar tamén estas visitas no calendario dixital que a plataforma pon ao dispor dos docentes.

Atención á diversidade

Fomentar a inclusión e atender as diversas capacidades son dúas prioridades para Gadis, recollidas no noso programa de Responsabilidade Corporativa. Neste curso escolar tamén as poñemos en práctica con Alimentes, que incorporou e adaptou contidos para favorecer a accesibilidade a todos os nenos e nenas que teñen necesidades educativas especiais.

Catorce unidades didácticas e unha novidade: a compostaxe

Buscamos conectar cos estudantes a través da contorna dixital para a primeira fase do programa. Poderán seguir a cadea de alimentos de forma virtual desde a orixe, visitando unha lonxa, unha horta ou unha explotación gandeira; o almacén onde se gardan os produtos e as diferentes seccións dos supermercados. O foco ponse tamén no coidado do medioambiente, para que os nenos e nenas aprendan, de forma sinxela e práctica, como evitar o desperdicio alimentario e por que é importante coidar os recursos naturais e protexer o planeta.

En liña coa importancia que lle damos á conservación da contorna e, para axudar a espertar a conciencia ambiental, outra das novidades é unha unidade didáctica sobre a compostaxe, moi experiencial para que os estudantes exploren as súas propias habilidades se o levan a cabo. En total, son 14 unidades con textos, vídeos, fichas interactivas e xogos para impulsar unha aprendizaxe divertida. Inclúese tamén a do Prato Alimentes, na que explicamos as porcións e categorías adecuadas dos alimentos que hai que introducir nos menús equilibrados segundo a recomendación do Prato de Harvard.

Gadis, comprometida coa educación de calidade

Desde fai máis de vinte anos, afianzamos o programa Alimentes como un recurso educativo de calidade, que complementa o labor de docentes e familias para fomentar un estilo de vida activo, saudable e sostible. Só no curso 2024-2025, este plan chegou a máis 26.500 nenas e nenos de Galicia e Castela e León. Finalizar o itinerario interactivo ten premio: un kit do Prato Alimentes e a posibilidade de participar no sorteo de 5 packs de tablets entre todos os colexios.