Máis de 200 maiores participaron nos obradoiros de cocina nos que colaboramos co Grupo Nove

Nos unimos ó Grupo Nove, FAMYC y Afundación para participar nos obradoiros que se celebraron este luns 2 de decembro en oito cidades galegas de forma simultánea. Baixo o título ‘Cociña +60. Receitas de vida’, estes obradoiros contaron coa participación de cociñeiros do Grupo Nove que suman 14 estrelas Michelin e 28 soles Repsol.

O obxectivo desta acción foi mostrar ás persoas maiores que viven solas como elaborar un menú saudable e equilibrado gastando poucos cartos, aproveitando ao máximo a súa compra, ensuciando o menos posible e sen necesidade de dedicarlle moito tempo.

Os Espazos +60 de Afundación en A Coruña, Lugo, Monforte, Ourense, Pontedeume, Pontevedra, Santiago de Compostela e Vigo acolleron estos obradoiros co obxectivo de facilitar o día a día as persoas maiores, achegándoas, ademais, unha serie de consellos para evitar intoxicacións e para a boa conservación dos alimentos.

Unha das cidades onde se puido desfrutar da cociña de NOVE foi Vigo, onde Alberto G. Prelcic (Silabario) preparou, entre outras cousas, un potaxe de vixilia; en Monforte, Álvaro Villasante (Paprica) e María Varela (A Parada das Bestas) ensinaron o bo aproveitamento dunha pescada; na Coruña, Javier Rodríguez “Taky” (responsable do catering Boketé) e Iván Domínguez (NaDo) centraron parte do seu menú na boa utilización das patacas. En Santiago estiveron cociñando Lucía Freitas (A Tafona) e Juan Crujeiras (Bido); en Pontevedra, Rafa Centeno (Maruja Limón), en Ourense, Daniel Guzmán e Julio Sotomayor, de Nova; en Pontedeume, Daniel López (O Camiño do Inglés) e en Lugo, Héctor López (España) e Antonio Botana (Ramonita).

Dende Gadis colaboramos co Grupo Nove e Fagal (Federación Alzhéimer Galicia) na edición do receitario ‘Os sentidos da Memoria’, un claro exemplo do noso compromiso coa sociedade.