IMPULSAMOS O TALENTO EMERXENTE COA EDICIÓN DE 12.000 LIBROS DE MICRORRELATOS

Publicamos un libro que recompila os 90 microrrelatos finalistas e premiados, seleccionados entre os 2.585 que participaron no noso concurso, que este ano alcanzou a sexta edición e obtivo un novo récord de participación.

Gadis editou un total de 12.000 exemplares que, co título “El destino”, repartiranse de forma gratuíta en todos os puntos de venda de Galicia e Castela e León ata esgotar existencias este venres, 31 de outubro.

Reforzamos o noso compromiso coa promoción do talento emerxente, a creatividade e a difusión cultural. Nestas seis edicións, o concurso de microrrelatos reuniu a unha diversidade de autores, tanto pola súa orixe como pola disparidade de idades, converténdose en punto de encontro interxeracional. Este ano, os textos proceden de 31 provincias distintas. A idade dos participantes oscila entre os 14 e 92 anos.

Con esta acción, buscamos celebrar a cultura e fomentar o hábito de lectura entre os nosos clientes, ademais de dar visibilidade ao talento dos finalistas ofrecendo relatos de menos de cen palabras que enganchan desde a primeira liña. As historias abarcan diferentes xéneros nunha demostración de que a brevidade tamén pode resultar moi expresiva.

O libro editouse en formato peto, pensado para facilitar a súa lectura, e tamén está dispoñible en versión dixital co obxectivo de chegar a máis persoas. Pode descargarse en http://www.gadismicrorrelatos.com/.

Apoio á industria editorial

Esta acción é un exemplo máis do noso compromiso coa cultura, recollido no programa de Responsabilidade Social Corporativa e que nos levou a publicar máis de 500.000 libros.