Gadis, premiada como mellor empresa de produtos alimentarios

Gadis foi recoñecida, por segundo ano consecutivo, como a mellor empresa de produtos alimentarios pola Unión de Consumidores de Galicia, que nos outorgou o Premio Benfeito de Consumo nesta categoría, tras un exhaustivo proceso de avaliación e unha ampla participación cidadá, o que reforza o valor deste recoñecemento.

Na súa segunda edición, estes galardóns consolídanse como un recoñecemento ás empresas galegas que contribúen de maneira significativa ao desenvolvemento do tecido socioeconómico da comunidade, promovendo a calidade, a sustentabilidade e o compromiso coas persoas consumidoras.

Desde Gadis, recibimos este premio con orgullo, como un respaldo a unha das nosas principais sinais de identidade: poñer en valor o produto local. Unha aposta que impulsa a innovación, a sustentabilidade económica, social e medioambiental, e a consolidación dun tecido produtivo moderno e competitivo. Este é o noso compromiso, que parte do arraigamento ao territorio e dunha relación próxima coa comunidade galega.

A directora de Marketing e RSC de GADISA Retail, Melisa Pagliaro, recolleu o premio das mans da conselleira do Mar, Marta Villaverde, nunha gala que reuniu na Cidade da Cultura a representantes do mundo empresarial, social e político. Estamos encantados con este recoñecemento e con que se forxe unha relación de colaboración e intercambio de experiencias entre as empresas galegas e as persoas consumidoras.