GADIS É A CADEA GALEGA PREFERIDA PARA COMPRAR PEIXE SEGUNDO A OCU

Somos a cadea galega de supermercados favorita para comprar peixe. Así o revela o último estudo publicado pola OCU, que mediu o grao de satisfacción dos clientes con 46 supermercados e hipermercados de todo o territorio nacional. Tendo en conta varios criterios de valoración, somos a única de Galicia coas súas peixarías entre as 10 mellores de España.

As nosas peixarías, un valor diferencial

Priorizamos desde sempre a sección de peixe fresco e mariscos, un sinal de identidade dos seus puntos de venda. A atención personalizada no mostrador tradicional é un dos seus valores diferenciais, cun equipo de profesionais que acompañan aos clientes na decisión de compra e aconséllanlles sobre formas de preparación e conservación. Ademais, promóvese capacidade de elección entre unha ampla variedade de produtos con calidade e prezos competitivos.

A aposta polos provedores locais e de proximidade convértenos nun dos compradoras de referencia en lonxas e portos desta comunidade. O noso modelo de adquisición directa en orixe polos propios profesionais permítenos trasladar aos clientes de Gadis estas vantaxes.

Desde as plataformas de compra e distribución da compañía nos portos da Coruña, Vigo e Burela e un centro de redistribución en Valladolid, repartimos o peixe e o marisco aos puntos de venda mediante un eficaz sistema de loxística verde, que garante a rastrexabilidade mantendo en todo momento a cadea de frío. Optimizamos os roteiros, o que minimiza a pegada ambiental.

Impacto positivo na contorna

A sustentabilidade económica, social e ambiental define o modelo de negocio de Gadis como empresa 100% galega que quere xerar o maior impacto positivo na nosa contorna. As peixarías abandeiran esta aposta por crear valor na comunidade apoiando a un dos sectores produtivos que vertebran o territorio: o pesqueiro. Ademais, contar con atención directa en mostrador impulsa a atracción e retención de talento cualificado: preto de 1.000 profesionais traballan en toda a cadea de valor da pesca de Gadis.

Estudo satisfacción OCU

A OCU levou a cabo o estudo de satisfacción dos clientes con 46 supermercados e hipermercados implantados a nivel nacional realizando enquisas a preto de 4.900 socios sobre diferentes criterios de valoración á hora de seleccionar o seu establecemento preferido.