GADIS, CO DEPORTE LOCAL

Apostamos por unha sociedade máis activa e saudable colaborando con centos de competicións deportivas locais e probas de atletismo, que se celebran en distintos puntos de Galicia e Castela e León. Marzo é o mes no que empezan a intensificarse estes eventos, que teñen o noso apoio co obxectivo de dinamizar socioeconómicamente a contorna, servir de motor para a integración social e promover hábitos de vida sans.

A proximidade ás persoas é un dos nosos sinais de identidade, que tamén poñemos en valor co patrocinio destas actividades, que atraen a numerosos participantes e público. Este sábado iníciase na Coruña o Circuito Coruña Corre, que alcanza a súa 13ª edición, coa nosa colaboración nas sete carreiras programadas en distintos puntos da cidade herculina ata o mes de novembro.

Outra das citas clave do deporte local no territorio galego é o programa Correndo pola Costa da Morte, que tras o seu arranque en Camariñas o domingo, recalará tamén en Vimianzo, Zas, Mazaricos, Dumbría, Muxía, Cee, Corcubión, Carnota e Fisterra, onde conclúe no mes de outubro.

Tamén o circuíto Correndo por Ourense, outra cita ineludible no calendario deportivo local, conta coa nosa colaboración e chegará ás rúas ourensás durante o mes de abril, con sete probas que se estenderán ata outubro.

Gadis, coas persoas

Mantemos desde hai anos o noso apoio ás carreiras populares como parte esencial da estratexia de Responsabilidade Social Corporativa. Colaborar con estas iniciativas parte do noso compromiso coas persoas, desde o convencemento de que o deporte é un piar fundamental para mellorar o benestar, ademais de que estas citas deportivas son un elemento de cohesión social e axudan a fortalecer o tecido socioeconómico.

Ao longo de 2025, apoiamos máis de trinta eventos deportivos destas características, destacando as carreiras populares de Guitiriz, Concello O Carballiño, Concello de A Pobra do Caramiñal, Betanzos, Monforte, Ordes e Arteixo. Así mesmo, apoiamos a Carreira Popular 10K Carballo, Carreira Nocturna de Nigrán, Nocturna Ferrol, San Xiao de Ferrol e Carreira Pedestre Popular Concello de Ames ou a Carreira Internacional “A Clásica” de Negreira, entre outras. O Media Maratón de Palencia, a Entre Rías, o Media Maratón Ciudad de Ponferrada 21 Lunas y Media 2026 e Os 21 do Camiño tamén forman parte das nosas colaboracións.