GADIS CELEBRA A SÚA CEA ANUAL NA CORUÑA CON MÁIS DE MIL TRABALLADORES

Gadis reuniu a máis de mil traballadores da Coruña e a súa área de influencia na xa tradicional cea anual de empresa, que tivo lugar en ExpoCoruña. O encontro festivo serviu para reforzar o espírito de equipo e recoñecer o labor diario das persoas que forman parte da organización.

A velada comezou coa cea e continuou cunha actuación en directo e sorteos de premios destacados. Ademais, todos os asistentes recibiron un detalle da compañía que, por outra banda, fixo un recoñecemento a aqueles que cumpriron 25 anos de traxectoria na empresa.

O equipo humano, o éxito de Gadis

O delegado de GADISA Retail na Coruña, Baltasar López, interveu durante o evento para destacar o papel fundamental do equipo humano, ao que definiu como o motor da empresa e subliñou que se trata dos mellores profesionais, persoas comprometidas que dan o mellor de si cada día para ofrecer un servizo de excelencia aos clientes.