CREAMOS 46 EMPREGOS COA APERTURA DUN GRAN GADIS EN VILANOVA DE AROUSA

Fortalecemos a nosa presenza na comarca do Salnés coa apertura dun Gadis en Vilanova de Arousa, que se suma ao que inauguramos o ano pasado en Sanxenxo. O novo establecemento abre as súas portas no Lugar de Cardalda, 31 C, ao pé da estrada PO-307, que enlaza os municipios de Vilanova e A Illa de Arousa. Unha localización estratéxica que favorece unha maior comodidade aos numerosos veciños que transitan a diario por esta vía, aos que, ademais, facilitamos 115 prazas de aparcadoiro gratuíto.

O Gadis conta con máis de 2.000 m2 de superficie total e construíuse cumprindo estritos parámetros de eficiencia enerxética e accesibilidade, cos espazos deseñados para brindar a mellor experiencia de compra ao cliente. A amplitude permite ofrecer a maior diversidade de produtos do mercado: máis de 12.000 artigos cos mellores frescos, marcas recoñecidas a prezos competitivos, unha equilibrada variedade da marca propia IFA e numerosas referencias veganas, ecolóxicas, sen glute e a granel, seguindo as tendencias de consumo actuais.

Un dos nosos sinais de identidade son as seccións de produto fresco, que priorizamos neste moderno establecemento. A atención personalizada en mostrador tradicional é máis sostible, proporciona un mellor servizo ao cliente e fomenta a captación e retención de talento, con profesionais especializados na peixaría, carnizaría, chacinaría, froitaría e panadería. O noso propósito é adiantarnos sempre ás necesidades dos clientes e que poidan elixir a súa cesta da compra entre unha ampla variedade de produtos.

46 novos empregos

A nosa filosofía, baseada na atención directa, favorece a creación de emprego estable e de calidade. Con esta apertura, xeramos 46 postos de traballo directos. Un persoal ao servizo dos clientes, que poden facer a compra no amplo horario ininterrompido, de 9 a 21.30 horas, de luns a sábado.

Sustentabilidade e máxima eficiencia enerxética

A sustentabilidade guiou o proceso de construción do novo Gadis de Vilanova de Arousa. A maior medida de eficiencia enerxética procede do aproveitamento de luz natural, ademais da dotación de funcionais sistemas de frío e calor. O mobiliario de última xeración, a ordenación dos espazos e a amplitude de corredores, fomentan a accesibilidade e unha maior comodidade.

Gadis, coas familias

Mellorar o benestar das familias é un dos compromisos de Gadis cos nosos clientes, aos que proporcionamos aforro mediante as Oportunigadis diarias e con máis de 400 artigos semanais ao mellor prezo en folleto. Tamén a través de cupóns desconto na APP Gadis+.