ACTIVAMOS A CAMPAÑA “ALIMENTA LA AMISTAD” EN APOIO A 79 PROTECTORAS DE ANIMAIS

Lanzamos a 7ª edición da campaña “Alimenta la amistad” de Gadis. Unha acción solidaria que apoia o labor de 79 protectoras de animais, recolle a sensibilidade social cos animais e cumpre co noso compromiso favor do benestar animal. Un proxecto xa consolidado no programa de Responsabilidade Social Corporativa que levamos a cabo desde o 2019.

Un total de 202 Supermercados Gadis de Galicia e Castela e León súmanse a esta causa habilitando espazos para depositar alimentos e produtos de hixiene destinados ao coidado de cans e gatos, así como á limpeza das instalacións. Aqueles clientes que o prefirades tedes a opción de realizar unha achega económica ao pasar por caixa. Este ano pódese colaborar desde o mércores 1 de outubro ata o sábado día 12.

Unha rede de apoio para protectoras locais

Protectoras das provincias de A Coruña, Lugo, Ourense e Pontevedra; e de Ávila, León, Salamanca, Segovia, Palencia, Valladolid e Zamora recibirán e xestionarán toda a axuda que se recade. Este apoio é importante para que poidan atender ao longo do ano a miles de animais en situación de abandono e proporcionarlles coidados e refuxio.

A directora de Marketing e RSC de GADISA Retail, Melisa Pagliaro, e a coordinadora de RSC, Lucía Santos, presentaron a campaña acompañadas por responsables dalgunhas das entidades que participan na iniciativa: María José López, xerente da Asociación Micos; e Sonia Santiago, secretaria de Xuntos As Mariñas. Ambas agradeceron o respaldo continuo de Gadis.

Máis de 400.000 quilos solidarios

A solidariedade dos clientes é clave para que, en cada edición, auméntese a axuda a favor das protectoras e refuxios. Nas seis campañas anteriores entregáronse máis de 400.000 quilos de alimentos e produtos de hixiene.

Unha acción enmarcada no Día Mundial dos Animais

Con esta iniciativa, buscamos conectar coa conciencia social en torno ao benestar animal, á vez que apoiamos a adopción de cans e gatos sen fogar. No transfondo, o Día Mundial dos Animais, que impulsa cada 4 de outubro a Organización Mundial de Protección Animal, coincidindo coa festividade de San Francisco de Asís. Esta data está destinada a sensibilizar sobre a necesidade da súa protección e coidado. Unha causa á que nos unimos.