ABRIMOS UN GRAN SUPERMERCADO GADIS EN SANXENXO

Estamos de estrea en Sanxenxo, onde inauguroumos un funcional supermercado Gadis que destaca pola súa comodidade: tanto nos espazos interiores como no exterior, onde conta con 163 prazas de aparcadoiro gratuíto para maior confort dos clientes. Con preto de 2.000 m2 de superficie total, o establecemento construíuse nunha parcela independente en Lugar Vinquiño e edificouse seguindo estritos parámetros de sustentabilidade, eficiencia enerxética e accesibilidade.

O novo Gadis pon ao voso dispor a maior variedade de produtos do mercado: máis de 10.000 artigos cos mellores frescos, marcas recoñecidas a prezos competitivos, da marca propia IFA e numerosas referencias veganas, ecolóxicas, sen glute e a granel, seguindo as tendencias de consumo actuais.

En liña coa filosofía empresarial, priorizamos as seccións de produto fresco, que aúnan variedade, calidade e prezo, así como a atención no mostrador tradicional. Isto fomenta a captación e retención de talento, con profesionais especializados que prestan atención directa en peixaría, carnicería, chacinería, froitería e panadería.

Eficacia no servizo e amplitude de horario

Un persoal composto por 39 profesionais, dos que 14 incorpóranse á compañía, brindan un servizo personalizado aos clientes, que podedes facer a compra no amplo horario ininterrompido, de 9 a 21.30 horas, de luns a sábado. Tamén tendes á vosa disposición www.gadisline.com



Sustentabilidade e eficiencia enerxética

A sustentabilidade guiou o proceso de construción do novo Gadis de Sanxenxo, no que se primou o aproveitamento de luz natural do exterior e dotouse con modernos sistemas de frío e calor para unha maior eficiencia enerxética. O mobiliario de última xeración, a configuración dos espazos e os amplos corredores garanten, así mesmo, a accesibilidade e comodidade a todos os perfís de clientes.

Sorteos para celebrar a apertura

Celebramos a apertura do supermercado cun sorteo entre os clientes, que recibiredes un cupón por cada 10 euros de compra entre o 28 de novembro e o 11 de decembro. Os premios son un iPhone 16, un aspirador Dyson V15 e unha PLAYSTATION 5.

Apoio ás familias

Proporcionar máis benestar das familias é un dos compromisos de Gadis cos nosos clientes, aos que transferimos aforro mediante as ofertas diarias das Oportunigadis e con máis de 400 artigos semanais ao mellor prezo en folleto. Tamén a través de cupóns desconto na APP Gadis+.