Resumo de Alimenta a Amizade 2025

Entre o 1 e o 12 de outubro máis de 200 Gadis de Galicia e Castela e León acolleron a campaña Alimenta a Amizade. Unha iniciativa que cumpriu este ano a súa sétima edición e que ten como propósito concienciar sobre os dereitos dos animais e promover prácticas éticas e responsables. Trátase dunha das accións centrais relacionadas con benestar animal da nosa Estratexia de Responsabilidade Social Corporativa, coa que este ano puidemos ofrecer apoio directo a 79 entidades de protección animal en ambas as comunidades autónomas.

Durante a súa celebración, os supermercados habilitaron un espazo para depositar doazóns de produtos de alimentación e hixiene para cans e gatos. Ademais, a clientela tamén puido realizar unha doazón económica ao pasar por caixa. Na maioría de establecementos, puidemos contar coa presenza de voluntariado das entidades participantes, que informaron sobre as necesidades da súa organización, a súa función e tamén sobre prácticas de tenencia responsable. Nesta publicación queremos compartir os principais resultados da campaña Alimenta a Amizade 2025.

Resumo Alimenta a Amizade 2025

Cada vez son máis as entidades de protección animal que desexan sumarse a esta campaña solidaria. En 2025, participaron un total de 79 organizacións dedicadas a salvagardar o benestar de cans e gatos sen fogar grazas ao seu labor en refuxios, protectoras ou en colonias felinas. O voluntariado destas entidades supón unha peza imprescindible para a campaña. Non só anima ás persoas que visitan os nosos supermercados a colaborar, senón que tamén informa sobre a situación actual de abandono animal na contorna, divulga prácticas de tenencia responsable e conciencia sobre o benestar animal.

Este ano a campaña tivo lugar en 203 Gadis de Galicia e Castela e León nas provincias da Coruña, Lugo, Ourense, Pontevedra, Ávila, León, Salamanca, Segovia, Palencia, Valladolid e Zamora. Unha cifra que tamén vai en aumento cada ano e que permite que esta iniciativa se convirta nun evento de referencia para o persoal e a clientela de Gadis.

Os resultados desta edición foron todo un éxito. Entre o 1 e o 12 de outubro, recolléronse un total de 73.025 quilos de produtos de alimentación e hixiene. Así mesmo, grazas á xenerosidade da nosa clientela, este ano recadáronse 3.248€ en doazóns económicas ao pasar por caixa. A esta cifra, súmase tamén a achega que realizou Gadis, que ascende a 15.265 € e que se repartirá entre as 79 organizacións participantes desta edición.

O impacto positivo da campaña Alimenta a Amizade 2025

A campaña Alimenta a Amizade é unha das grandes iniciativas solidarias de Gadis, coa que se inclúe o benestar animal dentro da nosa Estratexia de Responsabilidade Social Corporativa. A xestión das entidades de protección animal é a miúdo precaria e complexa debido á escaseza de recursos. Á súa vez, as cifras de abandono animal no noso país son preocupantes, polo que calquera iniciativa destas características significa un apoio importante para o desenvolvemento do traballo das organizacións de protección animal e supón unha diferenza significativa.

Desde Gadis, impulsamos por sétimo ano consecutivo a campaña Alimenta a Amizade coa intención de continuar co noso compromiso de recollida de produtos de alimentación e hixiene, así como doazóns económicas coas que axudar ás entidades de protección animal de Galicia e Castela e León. O labor que realizan estas entidades cos animais en situación de abandono ou con gatos comunitarios é algo que nos conmove e que queremos apoiar, fomentando valores como a convivencia e a responsabilidade colectiva. Esta campaña non sería posible sen a xenerosidade da nosa clientela que contribuíu a alcanzar a cifra de 73.025 kg de produtos e 3.248 € en doazóns, ao que, como cada edición, sumamos a achega de 15.265 € de Gadis para reforzar o alcance da campaña en 2025.

Cabe destacar que este é un compromiso que asumimos a longo prazo, tanto pola necesidade de contribuír ao benestar animal, como polo desexo de fortalecer o vínculo coas comunidades nas que operamos. Desta forma, nos últimos sete anos, conseguimos doar a diversas entidades de protección animal de Galicia e Castela e León máis de 473.000 quilos de produtos e máis de 59.000 €.



Esta campaña contribúe á divulgación do benestar animal, a fomentar boas prácticas e a tenencia responsable, así como a concienciar contra o abandono, mentres achega recursos para que o traballo das entidades se sosteña no tempo. Con esta iniciativa contribuímos aos ODS 3. Saúde e benestar, ODS 11. Cidades e comunidades sostibles e ODS 17. Alianzas para lograr obxectivos.