Que facer cos residuos

Alcanzar unha xestión eficiente de residuos e o obxectivo de residuo cero ten un impacto positivo directo no medio ambiente, no benestar das persoas e na economía, tanto local como global. Desde Gadis fomentamos a economía circular como modelo de negocio para impulsar unha estratexia de desenvolvemento sostible, na que a innovación e o impacto ambiental se sitúan no centro.

Ademais de atender aos puntos relevantes da lexislación vixente, imos máis aló no noso compromiso ambiental e perseguimos a consecución de residuo cero. A xestión de residuos e a innovación no desenvolvemento de materiais e alternativas máis sostibles atópanse nun proceso de continua evolución. Neste contexto, mantemos contacto directo co sector e promovemos a adopción de novas estruturas e produtos que favorezan a sustentabilidade, co obxectivo de minimizar ao máximo o noso impacto ambiental, particularmente no que respecta a a xeración de residuos.

Á súa vez, non perdemos de vista a necesidade dun esforzo colectivo e formamos equipo coa nosa clientela, propoñendo diferentes iniciativas de sensibilización e concienciación, así como ofrecendo espazos nos nosos supermercados desde os que contribuír a xestionar residuos.

Como aplicamos a lexislación nacional vixente

De acordo coas indicacións da Lei 7/2022, do 8 de abril, de residuos e chans contaminados para unha economía circular, apostamos por un modelo de negocio que nos permite aproveitar a vida útil de cada un dos materiais que utilizamos, para minimizar os residuos que xeramos. Ademais, adoptamos a xerarquización de residuos recollida na Lei, enfocándonos na prevención como obxectivo prioritario e procedendo á eliminación de residuos unicamente cando esgotamos os posibles usos do devandito material.

Como se menciona na normativa, tamén priorizamos a proximidade como estratexia para reducir residuos, estimular a economía local e ofrecer produtos frescos. De igual maneira, realizamos diversas campañas de sensibilización e ofrecemos opcións para que a nosa clientela poida minimizar os residuos xerados cando acoden aos nosos supermercados, así como depositar algúns residuos de tipo doméstico nos espazos habilitados nas nosas tendas para a súa xestión.

As nosas políticas de empresa alíñanse con esta Lei en tanto que reducimos a utilización de plásticos dun só uso. Neste sentido, tamén realizamos unha ardua tarefa para informar á nosa clientela dos impactos ambientais e das obrigas de xestión dos residuos para contribuír a mitigar o impacto dos residuos plásticos na contorna.

Como xestionamos os residuos en Gadis?

En Gadis mantemos un compromiso firme para alcanzar o obxectivo de residuo cero e a eliminación de plásticos dun só uso. Así, nas nosas seccións de produto fresco ofrecemos alternativas de materiais reutilizables. No ano 2020 fomos unha empresa pioneira poñendo ao dispor de nosa clientela bolsas 100% biodegradables, compostables, reciclables e reutilizables en todas as seccións de produto fresco. Ademais, nalgúns dos nosos supermercados, tamén é posible comprar bolsas da compra do proxecto D-Lonas da Fundación ADCOR, no que mocidade con discapacidade intelectual reutiliza pancartas e lonas publicitarias para convertelas en bolsas da compra únicas e de calidade.

Por outra banda, informamos á nosa clientela sobre as súas obrigas como persoas consumidoras, tanto a través de campañas de sensibilización en colaboración con diversas entidades como a través de proxectos educativos, entre os que destacamos o noso programa Alimentes, e de cartelería nos nosos supermercados. Asumindo as nosas obrigas, habilitamos nos nosos supermercados espazos destinados á correcta xestión de residuos e illas de reciclaxe.

Así mesmo, lembramos á nosa clientela a importancia de devolver os envases retornables e ofrecemos a posibilidade de que poidan utilizar os seus propios recipientes reutilizables para a compra nas seccións de produto fresco, minimizando ao máximo os residuos que se xeran.

Cabe destacar que, no ano 2022, recibimos por primeira vez o prestixioso selo internacional “De Residuos a Recursos: Zero a Vertedoiro” do Grupo Saica, que certifica o noso compromiso coa sustentabilidade ambiental, coa innovación e coa transparencia na xestión, e que fomos renovando anualmente. Nestes momentos, reutilizamos o 98% dos residuos xerados na sede central de Gadis en Betanzos e atopámonos moi preto de alcanzar o residuo cero. Este selo premiou a nosa metodoloxía de loxística inversa, que minimiza a nosa pegada de carbono, así como a utilización de embalaxes sostibles e reutilizables para o transporte de mercadorías.

O impacto positivo dunha boa xestión de residuos

No noso modelo de xestión de residuos, priorizamos obxectivos que se aliñan coa Axenda 2030 e os seus obxectivos de desenvolvemento sostible. Neste sentido, no noso compromiso coa contorna, atendemos especialmente a aquelas metas que se relacionan coa sustentabilidade e co impacto no medio ambiente: ODS 9. Industria, innovación e infraestrutura, ODS 11. Cidades e comunidades sostibles, ODS 12. Produción e consumo sostibles e ODS 13 .Acción polo clima.