ODS en acción: construíndo un futuro sostible

Gadis é unha das empresas asinantes do Pacto Mundial das Nacións Unidas (ONU) desde 2005. Levamos 20 anos adheridos a esta iniciativa que busca fomentar un modelo de negocio máis sostible e igualitario, preparado para afrontar os retos futuros, especialmente en catro campos: dereitos humanos, normas laborais, medio ambiente e loita contra a corrupción. Cando, no ano 2015, a ONU aprobou a Axenda 2030, un plan de acción en favor das persoas, o planeta, a prosperidade e a paz universal, estruturado a través de 17 Obxectivos de Desenvolvemento Sostible (ODS) e 169 metas concretas que facilitan a súa consecución ata 2030, asumimos o seu propósito de maneira orgánica. En Gadis aplicamos os ODS e as súas metas de forma transversal nas diferentes áreas de negocio, co obxectivo de contribuír a un futuro máis sostible e respectuoso co medio ambiente e coas persoas.

A sustentabilidade, os dereitos humanos e a igualdade de oportunidades sempre formaron parte dos valores identitarios de Gadisa. O noso modelo de negocio ten un impacto positivo local, cunha mirada centrada nas estratexias e políticas globais que nos permiten contribuír na construción dunha sociedade máis sostible, xusta, igualitaria e digna para todas as persoas.

Como aplicamos os ODS de forma transversal no noso negocio?

En Gadis contribuímos á consecución dos ODS e as súas metas desde dous planos:

1. A través dos principios e o carácter do noso modelo de negocio como empresa de distribución alimentaria, vinculados especialmente a aspectos relacionados coa alimentación saudable, o impacto no medio ambiente, a igualdade de oportunidades e a saúde.
2. Grazas a iniciativas e accións concretas da nosa estratexia de Responsabilidade Social Corporativa (RSC) que teñen como obxectivo traballar coas comunidades locais, dinamizar a economía e apoiar ao tecido social e cultural da nosa contorna.

Desta forma, conseguimos aplicar os 17 ODS no noso negocio de forma orgánica, adquirindo compromisos en todos os niveis da nosa actividade empresarial.

Accións concretas vinculadas ao impacto económico e ás alianzas

As nosas accións contribúen á dinamización económica do territorio. Ademais, colaboramos con outras organizacións ou empresas xerando alianzas como parte da nosa estratexia para afianzar o vínculo co territorio e para alcanzar os ODS. Entre algunhas das nosas accións máis destacadas para a consecución destas metas, inclúense:

• Alianzas para lograr os nosos compromisos ESG (Ambiental, Social e de Gobernanza) con Ecoembes e coa Alianza Galega polo Clima. Dúas iniciativas que fomentan o coidado do benestar do planeta e impulsan iniciativas innovadoras de sensibilización sobre o medio ambiente e os residuos.
• Colaboracións con asociacións sectoriais. Establecemos vínculos estreitos con organizacións para fortalecer o tecido socioeconómico a través do apoio ou participación en iniciativas de organizacións como a Confederación de Empresarios de Galicia (CEG), a Asociación de Supermercados de Galicia (ASUGA), o Consello Empresarial Alianza por Iberoamérica (CEAPI) ou a Asociación Galega de Marketing (MARKEA), entre outras.
• Promoción de iniciativas locais que fomentan o comercio e o desenvolvemento económico nas comunidades onde operamos. En 2023, levamos a cabo 133 iniciativas de desenvolvemento local como a participación na Feira de emprego da Universidade da Coruña, no Summer Camp de AECOC - Punto de encontro entre universitarios e compañías do Gran Consumo e as Xornada AccemARIADNA.
• Participación en diversos premios empresariais, entre eles o Premio de xornalismo “Somos esenciais”, no que formamos alianza co Colexio Profesional de Xornalistas (CPXG) e que ten como obxectivo recoñecer o traballo xornalístico máis relevante en temática de carácter social en Galicia.
• Foro Gadis coas ONG. É un espazo de aprendizaxe que serve como altofalante para asociacións e ONG e que ten como obxectivo impulsar a colaboración das empresas co tecido asociativo, así como poñer en valor o impacto positivo que xeran na súa contorna.

• Colaboración coa a Asociación Española Contra o Cancro na campaña A compra da túa vida, destinada a recadar fondos para financiar servizos de apoio a pacientes e familias e fomentar a investigación.
• Colaboración con UNICEF para contribuír na súa misión de ofrecer un futuro máis digno á infancia, que se adapta cada ano ás necesidades e urxencias dos diferentes territorios.
• Posta en marcha de múltiples campañas de doazón de alimentos, produtos e fondos económicos, coa intención de loitar contra a fame -algo que como organización atravésanos especialmente- e de dinamizar economicamente certas contornas. Cabe destacar a colaboración continuada coa Cociña Económica e as campañas A Gran Recollida, Mayo Solidario e Alimenta a Amizade.

O impacto positivo de aplicar os ODS ao noso modelo de negocio

En Gadis adoptamos compromisos transversais para favorecer a economía local e conseguir un impacto positivo directo nas comunidades dos territorios nos que operamos. Sabemos que, a través das alianzas con diferentes colectivos, conseguimos que o impacto se multiplique, xerando oportunidades e vínculos a longo prazo. Temos moi presentes as metas dos ODS porque sabemos que son a resposta para alcanzar un futuro sostible e construír unha sociedade máis xusta, igualitaria e digna para todas as persoas. Desta forma, traballamos para alcanzalas, centrando as nosas accións para sumar os nosos esforzos na consecución do conxunto de todos os Obxectivos de Desenvolvemento Sostible.