O noso compromiso nas accións de 2025

Un ano máis, seguimos poñendo o foco na innovación, a mellora continua e o diálogo co territorio. Gadis é unha empresa punteira en distribución alimentaria e caracterízase pola ampla oferta de produtos frescos de orixe local, mantendo a nosa aposta pola sostibilidade e o coidado do medioambiente, así como o noso compromiso coas iniciativas locais e as organizacións do terceiro sector.

Durante os primeiros meses de 2025, impulsamos varias accións e seguimos apoiando distintos proxectos a través de diversas colaboracións. O noso modelo de negocio destaca por unha sólida estratexia de Responsabilidade Social coa que buscamos un impacto positivo nas comunidades locais e nas iniciativas de proximidade.

Por que nos comprometemos con entidades do terceiro sector e iniciativas de proximidade?

Porque a marca Gadis non se entende sen o seu impacto positivo na contorna e porque sabemos que unha comunidade activa, motivada, creativa e con posibilidades xera unha sociedade sa e feliz, na que o benestar se sitúa no centro e onde as posibilidades son infinitas. Queremos ser parte activa da nosa comunidade, máis aló dos nosos supermercados. Interésanos estreitar lazos con organizacións coas que compartimos valores e visión, xerando alianzas a longo prazo que nos permitan alcanzar un impacto positivo real.

Que accións activamos no primeiro trimestre de 2025?

Ao longo destes primeiros meses do ano, puxemos en marcha distintas accións:

• Gadis coas ONG. Celebramos a quinta edición deste foro anual. Un espazo de aprendizaxe que serve de altofalante para diversas asociacións e ONG e pon en valor o seu impacto positivo. Este ano, baixo o lema “O deporte como ferramenta de integración”, as entidades protagonistas visibilizaron a súa aposta polo deporte desde unha visión inclusiva, contribuíndo a mostrar o noso compromiso cun estilo de vida activo, saudable e cooperativo.
• Moito que contar. Por segundo ano, impulsamos esta campaña que ten como obxectivo poñer en valor produtos frescos, saudables e sostibles. A iniciativa consiste na publicación de vídeos que contan a historia dalgúns dos produtos das nosas empresas provedoras en Galicia e Castela e León.
• Colaboración coa Fundación ONCE na inserción laboral de persoas con discapacidade a través do Convenio Inserta, coa que promovemos a contratación de polo menos 15 persoas con discapacidade na nosa empresa nun prazo de tres anos. Adherímonos ao Foro Inserta Responsable, unha plataforma de Fundación ONCE que fomenta o intercambio de experiencias, boas prácticas e ferramentas de innovación social entre empresas comprometidas coa inclusión do talento con discapacidade.
• Certame “O mellor cociñeiro galego de 2025”. O 23 de marzo celebrouse o showcooking cos cinco cociñeiros finalistas, cuxo premio pon en valor o compromiso dos chefs coa sostibilidade e o produto local e de proximidade. Tamén participamos no Forum Gastronómico coa instalación dun photocall con sorteos e premios económicos.
• Carreiras populares. A partir do mes de marzo comeza a tempada de carreiras populares, eventos que apoiamos como parte do noso compromiso cos hábitos de vida saudables e o deporte inclusivo. En 2024 colaboramos nun total de 30 eventos e esperamos superar esa cifra en 2025. Activamos o contador sumándonos á 12ª edición do circuíto Coruña Corre, ao circuíto Correndo pola Costa da Morte e Correndo por Ourense.

• A compra da túa vida. Durante a cuarta edición desta campaña solidaria da Asociación Española contra o Cancro (AECC) celebrada o pasado febreiro, a nosa clientela achegou 34.149 € nos 222 supermercados Gadis de Galicia e Castela e León participantes. A contribución total alcanzada nas catro edicións celebradas ata a data ascende a 80.000 €.
• Renovación do selo “De Residuos A Recursos: Zero A Vertedoiro”. A principios de 2025 renovamos este prestixioso selo internacional outorgado por Saica Natur, que certifica o bo facer do noso modelo de negocio. Estamos máis preto de alcanzar o obxectivo cero residuos na nosa sede central, coa reutilización de case o 98% dos residuos que xeramos. Seguimos impulsando un modelo de negocio sostible para favorecer o crecemento socioeconómico da contorna en equilibrio co medio ambiente, cunha estratexia que se sustenta sobre a xestión responsable dos recursos, a loxística inversa e eficiente, o apoio aos provedores e provedoras locais e a eficiencia enerxética.
• Apertura dunha nova plataforma de peixe no Porto da Coruña para fortalecer o noso compromiso co produto local, fresco e de proximidade. O deseño da nave de 4.066 m2 segue altos estándares de sustentabilidade ambiental e favorece a optimización loxística.

O impacto positivo das alianzas

En Gadis sabemos que as alianzas son un factor clave para a aprendizaxe, a innovación e o desenvolvemento social das comunidades. É por isto que activamos diversas colaboracións ao longo do ano co obxectivo de escoitalas e conseguir un impacto real na contorna. O noso modelo de negocio e a nosa estratexia de Responsabilidade Social inclúen un compromiso sólido con organizacións do terceiro sector, proxectos solidarios e iniciativas culturais e deportivas, superando as 2.300 accións de apoio directo á comunidade cada ano.



Estas accións contribúen á consecución de diversos ODS (ODS 3, ODS 4, ODS 5, ODS 10), pero cabe destacar o noso compromiso co ODS 17. Alianzas para lograr os obxectivos, como guía para o noso compromiso coas organizacións e iniciativas da nosa contorna.