Impacto social en Gadis, máis alá de vender produto

A marca Gadis é recoñecida pola súa variada oferta de produto de calidade, fresco e local. Estes valores represéntannos e son transversais á nosa organización, pero o modelo de negocio que nos define vai moito máis alá dos artigos que se poden atopar nos nosos supermercados.

Mantemos un compromiso firme co deseño de estratexias e iniciativas que nos permitan ter un impacto positivo nas comunidades nas que operamos e poñemos o benestar social no centro do noso modelo de negocio. Apostamos polo benestar das nosas persoas traballadoras, comprometémonos coa clientela, apoiamos á sociedade a través de iniciativas solidarias e participamos no desenvolvemento cultural e deportivo local. Cada ano, desde Gadis impulsamos e colaboramos con máis de 2.300 iniciativas de apoio directo á comunidade.

Iniciativas solidarias

Colaboramos con diferentes entidades sociais e do terceiro sector para reforzar o seu impacto na comunidade a través de diversas iniciativas no marco do noso programa de RSC:

• Foro Gadis coas ONG: este evento está dirixido a entidades do terceiro sector de Galicia e Castela e León. Funciona como espazo de aprendizaxe, intercambio e divulgación e constitúe unha oportunidade para reflexionar de forma colectiva, ofrecendo unha plataforma para visibilizar o traballo e as accións de asociacións e ONGs.
• A compra da túa vida: colaboramos coa Asociación Española contra o Cancro (AECC) nesta campaña que se celebra ao redor do Día Mundial contra o Cancro co obxectivo de recadar fondos para financiar a investigación desta enfermidade e as necesidades de pacientes e familias. Chegamos a recadar máis de 30.000 euros.
• Gadic con UNICEF: desde hai máis de 30 anos, mantemos a nosa colaboración con UNICEF. Durante o ano 2024, facilitamos 12.075 vacinas contra a polio, a mesma cantidade de sobres de alimento terapéutico e máis de 2,11 millóns de pastillas potabilizadoras. En total, doamos 4.025 kits de supervivencia con estas subministracións esenciais destinadas a protexer a vida de nenas e nenos afectados por conflitos bélicos, catástrofes naturais, seca ou que habitan en países en vías de desenvolvemento.
• Campaña Alimenta a amizade: esta iniciativa solidaria consiste na recadación de alimentos e produtos de hixiene para cans e gatos sen fogar. Este proxecto tamén contribúe á concienciación da sociedade en relación aos dereitos dos animais, a responsabilidade social e a realidade destas organizacións. Na edición de 2024 participaron máis de 70 organizacións de Galicia e Castela e León. Grazas á nosa clientela, recadáronse, en total, 332.000 kg de alimentos e máis de 52.000€ en vales de compra.
• Doazóns de alimentos: polo carácter da nosa actividade, asumimos un compromiso consciente e activo na loita contra a fame. Por iso son habituais as campañas de doazón de alimentos nos nosos supermercados. Tamén colaboramos de forma habitual coa Cociña Económica, unha entidade que proporciona alimentación diaria a persoas en situación vulnerable, e sumámonos á súa campaña Alimenta a esperanza, a través da que doamos máis de 4.000 quilos de alimentos e un cheque por valor de 3.500 euros.

Desde hai anos, apoiamos a Federación de Bancos de Alimentos (FESBAL). Participamos en A gran recollida, unha iniciativa anual que, en 2024, permitiunos recadar 233.000 quilos de produtos de alimentación e hixiene e máis de 96.000 euros que se distribuíron entre os 12 Bancos de Alimentos de Galicia e Castela e León cos que colaboramos de maneira habitual. Ademais, o proxecto Maio Solidario é unha iniciativa propia, que desenvolvemos cada mes de maio, co obxectivo de recadar alimentos e produtos de hixiene que se doarán a Bancos de Alimentos.

Educación en sostibilidade

Coidar do noso contexto é tamén coidar do noso futuro. Consideramos que é imprescindible educar en relación co medio, centrándose na sostibilidade e na xestión de residuos. Desde hai máis de dúas décadas, impulsamos o proxecto Alimentes, que, a partir da pandemia, incluíu unha innovadora iniciativa dixital destinada ao alumnado de educación infantil e primaria de centros de Galicia e Castilla e León. O proxecto ten un impacto directo nas aulas grazas ao interese do profesorado. Ofrecemos unha serie de recursos de aprendizaxe interactivos que poñen o foco na alimentación equilibrada, a compra consciente, o consumo responsable e a sostibilidade.

Impacto social positivo

Vender produtos diversos, de calidade, frescos e de produción local é sen dúbida una das insignias polas que a nosa clientela confía en Gadis. Con todo, o noso plan de negocio contempla uns obxectivos moito máis ambiciosos. Traballamos para xerar un impacto positivo que poña o benestar social no centro do noso modelo de negocio. Priorizamos o benestar das nosas e dos nosos profesionais, mentres apoiamos de forma directa á sociedade, participando en iniciativas solidarias, culturais e deportivas, responsables co medio e coa comunidade local. Cada ano, desde Gadis impulsamos e colaboramos con máis de 2.300 iniciativas que contribúen ao desenvolvemento da nosa contorna.

Coa nosa aposta pola solidariedade e as nosas estratexias para reducir as desigualdades, aliñámonos con varios dos ODS da Axenda 2030: ODS 1. Fin da pobreza, ODS 2. Fame cero, ODS 3. Saúde e benestar, ODS 4. Educación de calidade, ODS 6. Auga limpa e saneamento e o ODS 10. Redución das desigualdades.