Que mel é mellor para a gorxa?

O mel anunciouse durante moito tempo como un remedio natural para o arrefriado común, pero tamén é sorprendentemente eficaz para a gorxa. Hoxe veremos por que e contarémosche cal é o mellor.

Tras pasar un catarro ou unha gripe forte, é normal que manteñas tose durante varios días, aínda que xa curaras. Nese momento, seguir tomando antibióticos non é a mellor solución, xa que non son eficaces para curar a irritación. É o momento de probar con outras solucións naturais, como o mel.

Beneficios do mel para a gorxa

O consumo regular de mel pode axudar a aliviar a dor de gorxa. Se che encanta o seu sabor, podes simplemente tomar unha culler e xa notarás unha clara melloría. Outra opción de consumo moi habitual e saudable é combinalo con te e limón.

En lugar de tomar pastillas medicinais para a dor de gorxa, é mellor probar este método de tratamento alternativo para alivialo. O mel é un supresor natural da tose e a gorxa irritada. Ademais, tamén aumenta a capacidade do sistema inmunolóxico necesaria para combater a infección na gorxa.

Pero o mel non só prepara o corpo para combater a infección, se non que tamén alivia a dor da gorxa nun santiamén. Ademais de conseguir isto, tamén axuda a curar outros síntomas da gripe ou do arrefriado común.

Cal é o mellor mel para a gorxa?

O certo é que vai depender un pouco do tipo de problema que teñas na gorxa. O bo é que, como xa dixemos, calquera mel é realmente bo e está cargado de beneficios, así que nunca te equivocarás coa túa elección.

Aínda así, se o teu malestar vén provocado por unha gripe, quizais o máis recomendado sexa o mel de eucalipto. Se buscas suavizar a gorxa, a mellor opción é o mel con xelea real ou o Enxebre que vendemos en Gadis, xa que é ecolóxico e é o máis parecido ó puro que podes atopar nun supermercado.

Deja un comentario