Beneficios do pemento segundo a cor

España é un dos maiores exportadores de pemento en Europa. Un produto indispensable na túa cociña e na túa dieta. De feito, posúe numerosas propiedades e beneficios para o organismo. Aínda que, o curioso do caso, é que hai que ter en conta os diferentes beneficios do pemento segundo a cor. As variedades verdes, vermellas e amarelas, por exemplo, pertencen en realidade ó mesmo tipo de pemento. A diferencia radica na fase de maduración, que é a que lle da a súa cor e o seu sabor tan característicos. O que é evidente é que, independentemente da cor que elixas, os pementos son moi beneficiosos para a saúde.

Beneficios do pemento verde

O pemento verde é un dos alimentos máis ricos en vitaminas C, B6 e E. De feito, as propiedades desoxidantes da súa vitamina C son moi beneficiosas para a vista, o oído e o aparato respiratorio. Unha vitamina que tamén reduce os síntomas do arrefriado e combate o constipado. Ademais, posúe un alto contido en betacaroteno e vitaminas do grupo B2. O pemento verde tamén contén ácido fólico e é unha excelente fonte de fibra. O primeiro compoñente diminúe os niveis de colesterol malo no sangue. A fibra, pola súa parte, axuda co tránsito intestinal. O pemento verde é, pois, un alimento fundamental para previr a aparición de enfermidades dexenerativas e crónicas. Recentes estudos aseguran que o pemento verde axuda a previr o cancro, as hemorraxias cerebrais, as cataratas e os problemas cardiovasculares.

Beneficios do pemento vermello

O pemento vermello, pola súa conta, é un alimento baixo en calorías. Do mesmo xeito co verde, posúe elevados índices de fibra e hidratos de carbono. Este alto contido en fibra non só contribúe a mellorar a saúde intestinal, se non que prevén o cancro de colon. Vén moi ben naquelas dietas que requiren dun maior aporte de calcio, potasio e fósforo. Todos eles, minerais indispensables para o fortalecemento de ósos e dentes. O pemento vermello é tamén unha importante fonte de vitamina C. De feito, conta con máis do dobre desta vitamina ca laranxa. Este contido en vitamina C, xunto coas súas propiedades desoxidantes, é moi beneficioso para o coidado da pel e para a saúde cardiovascular. Do mesmo xeito, o pemento vermello posúe flavonoides e fitoquímicos coma o licopeno. Este último é indispensable para a saúde do corazón e para mellorar a memoria.

Beneficios do pemento amarelo

Os beneficios do pemento amarelo son moi similares ós dos pementos vermello e verde. De feito, non falta nel o elevado índice de vitaminas A e C. Ademais, conta tamén con numerosas propiedades desoxidantes para manter limpo e depurado o organismo e é rico en carotenos. O pemento amarelo é rico en fibra e minerais coma o potasio e o magnesio. Pódese comer con tranquilidade, xa que é un alimento moi baixo en calorías. Si hai que destacar que este pemento é capaz de reforzar o sistema inmunolóxico e resulta beneficioso para o sistema nervioso e a transmisión muscular. Precisamente, o pemento amarelo considerouse dende sempre coma un alimento analxésico. O que lle permite tamén estar moi recomendado para aquelas persoas que sufran de artrite, reuma e outros problemas articulares. Tal e como se pode comprobar, os beneficios do pemento son múltiples e variados. Sexa cal seca o que elixas para a túa cociña, estarás tomando un dos alimentos máis saudables para o teu organismo.