receita
Hai unha receita para cada momento e en Gadis queremos compartilas todas contigo.
TORTA CHOCOLATE BRANCO E AMORODOS
Unha torta doada e deliciosa con base crocante, mascarpone, chocolate branco e amorodos. Sobremesa fácil e de tempada.
Imprimir receita
Equipamento
- Molde de torta redondo
- Batedor de varas
- Papel vexetal
- Coitelo
Ingredientes
- 1 Lámina de masa quebrada
- 500 g de amorodos
- 230 g de chocolate branco
- 200 ml de nata líquida de montar
- 250 g de mascarpone
- 1 cullerada de vinagre
- 1 cullerada de azucre
Elaboración paso a paso
- Asentar a lámina de masa quebrada nun molde redondo de 22 cm. Poñer derriba dela papel vexetal e peso, por exemplo, uns garavanzos. Enfornar a 200 graos, 12 minutos.
- Retirar a base da torta do forno, quitar o peso e o papel vexetal, enfornar 15 minutos máis para que se faga ben e se doure.
- Unha vez transcorrido o tempo indicado, deixar arrefriar.
- Cortar 250 g de amorodos en dados pequenos, poñer un bol e engadir vinagre e azucre. Reservar para que macere.
- Derreter o chocolate branco coa nata líquida e deixar arrefriar media hora.
- Bater o queixo mascarpone coa mestura anterior cun batedor de varas ata obter unha crema sedosa.
- Engadir esta crema á base da torta, os amorodos cortadas en dados e máis amorodos cortados en láminas para decorar.
- Arrefriar a torta 4 horas para que colla corpo ben envolto en papel filme para que non absorba sabores da neveira.
Video
Notas
É importante que arrefríe o tempo indicado para que colla corpo.
