receita
Hai unha receita para cada momento e en Gadis queremos compartilas todas contigo.
Biscoito de limón esponjoso
Este biscoito de limón caseiro é deses que conquistan desde o primeiro aroma: esponxoso, zumento e con ese toque cítrico que o fai irresistible. A combinación de iogur grego e zume natural de limón achégalle unha textura suave e húmida, logrando un equilibrio perfecto entre dozura e frescor.Alén de delicioso, é unha receita sinxela e moi agradecida, ideal tanto para principiantes como para quen busca un doce rápido e caseiro. Perfecto para acompañar almorzos e merendas, pódese preparar facilmente tanto en forno como en freidora de aire, enchendo a cociña cun aroma a limón que invita a repetir.
Imprimir receita
Equipamento
- 1 Bol grande
- 1 Batedor de varas
- 1 Coador
- 1 Molde
- 1 Reixa
- 1 Forno ou frideira de aire
Ingredientes
- 3 Ovos
- 190 g azucre
- 1 Limón (reladura e zume)
- 110 ml aceite de xirasol
- 250 g fariña
- 3 cdtas po para o forno
- Sal
Elaboración paso a paso
- Prequentamos o fonro ou a frixideira de aire a 180 °C.
- Batemos os ovos co azucre durante polo menos 10 minutos ata que estean escumosos.
- Engadimos a reladura de limón, o iogur e o aceite. Seguimos batendo ata integrar.
- Peneiramos a fariña xunto co po para o forno e o sal.
- Mesturamos ata que a fariña estea incorporada, sen sobrebater.
- Engraxamos e enfariñamos o molde. Vertemos a mestura.
- Cociñamos en frixideira de aire 25-30 minutos ou en forno 50-55 minutos. Comprobamos cun pauciño.
- Deixamos arrefriar 10 minutos, sacamos do molde e colocamos sobre unha reixa. Decoramos con azucre glacé se queremos.