Recetas do mundo: Europa

Viaxar. Descubrir novos países, novas culturas. Un dos praceres de coñecer lugares é mergullarse na súa gastronomía. A cociña propia de cada zona está determinada polas súas características sociais e ambientais. Os seus produtos naturais, a súa situación xeográfica, o seu clima, os costumes dos seus habitantes…
Iniciamos con este artigo unha serie de publicacións dedicadas a descubrir a gastronomía de todo o mundo. Empezamos polos nosos veciños máis próximos: Europa.

Ensalada de arenques (Suecia)

En toda a rexión de Escandinavia cocíñase de forma sinxela pero variada. O peixe, sobre todo o arenque, ocupa o primeiro lugar. A ensalada de arenques ou  Sillsalad, como se chama en Suecia, está deliciosa.
Ingredientes para 4 persoas

• 3  arenques salgados.
• 250 g de patacas cocidas con pel.
• 2 mazás.
• 100 g de cogombros en vinagre.
• 200 g de remolacha (xa preparada).

Para a salsa:

• Caldo de carne.
• 6 culleradas de vinagre de viño.
• 3 culleradas sopeiras de  AOVE.
• 1 cullerada de sobremesa de azucre.
• 1 cullerada sopeira de mostaza picante.
• ½ cullerada de sobremesa de xenxibre en po.
• Sal e pementa recentemente moída ao gusto.

Para adornar:

• 2 ovos cocidos.
• Aneto.

Preparación

1. Lavar os arenques á billa e para  desalalos cubrilos totalmente con auga e deixalos toda a noite 
2. en remollo. Ao día seguinte, sácanse, sécanse e quítaselles a pel. Retirar as espiñas e cortar os filetes en tacos pequenos. Colocalos nunha fonte grande.
3. Pelar as mazás e cortar en anacos en tacos pequenos. Facer o mesmo coas patacas cocidas con pel, a remolacha e os cogombros. Depositar todo na fonte dos arenques.
4. Para facer a salsa,  verter todos os ingredientes no recipiente do batedor e mesturalos. Botalos sobre a ensalada e revolver coidadosamente cun cullerón. Se é necesario rectificar de sal.
5. Deixar repousar a ensalada polo menos unha hora. Despois, adornar cos ovos cocidos cortados en toros e co aneto.

Bacallau con patacas (Portugal)

O bacalhau é o peixe máis importante da cociña portuguesa. Tense constancia de que os mariñeiros do tempo de Colón aprenderon as técnicas de salgado e secado para a conservación do peixe magro. Ao bacallau córtaselle a cabeza, retira as espiñas e sálgase, antes de pasar ao proceso de secado.
Ingredientes para 4 persoas:

• 600 g de bacallau.
• 400 ml de leite quente.
• 750 g de patacas.
• 100 ml de AOVE.
• 100 g de cebola.
• 60 g de cenorias.
• 60 g de apio.
• 2 dentes de allo.
• 60 g de manteiga.
• Pementa branca recentemente moída.
• Perexil.
• 12 olivas negras.
• 2 ovos cocidos.

Preparación:

1. Colocar o bacallau coa pel cara abaixo nunha fonte grande con auga fría. Deixalo en remollo durante 12 horas na neveira. Cambiar a auga varias veces.
2. Sacar o bacallau da fonte e aclaralo con auga. Pelalo totalmente e revisar por se quedase algunha espiña. De ser así, retirala cunha pinza.
3. Partir o bacallau en anacos pequenos e colocalos nunha fonte. Asperxelos co leite q
4. uente e deixalos macerar durante 1 hora.
5. Pelar as patacas e cortalas en anacos en toros finos. Quentar aceite nunha tixola e  refogar a cebola en aros, xunto coa cenoria en dados, apio en toros e o allo partido moi fino. Retirar. Pasar un pouco as patacas no resto do aceite.
6. Derreter a manteiga e untar unha fonte  refractaria. Colocar no fondo unha capa de patacas, poñer encima as verduras e, a continuación, o peixe. Por último, colocar outra capa de patacas, simulando escamas.
7. Botar pementa e perexil picado. Enfornar durante 30 minutos a 200 º C.
8. Retirar e adornar coas olivas e os ovos cocidos en toros. De ser necesario, engadir máis perexil.

Puntas de filete Stroganoff (Rusia)

Este típico prato ruso recibe o seu nome do conde Sergei Grigoryevich Stroganov, alcalde de  Odessa. Segundo conta a tradición, foron os cociñeiros do conde os que idearon a receita para alimentar aos cidadáns nunha época de pobreza. Posteriormente, a receita foi adaptada por cociñeiros franceses e chamada puntas de  filete Stroganoff.
Ingredientes para 2 persoas:

• 450 g de tiras de  filete de tenreira.
• 100 g de xamón cocido.
• 6 cogombros en  vinagre.
• 2 chalotas.
• 200 g de champiñóns.
• 20 g de manteiga.
• ½ cullerada de sobremesa de mostaza de  Dijon.
• 100 ml de nata agre.
• Sal.
• Pementa branca recentemente moída.
• Perexil.

Preparación:

1. Cortar as tiras de  filetes finas e o xamón en tacos. Cortar os cogombros en toros e reservar.
2. Pelar as chalotas e partilos fino. Limpar os champiñóns e partilos en liscos.
3. Quentar a manteiga e fritir a carne en varias quendas. Reservar.
4. Refogar na mesma tixola as chalotas, ata que queden transparentes. Engadir os  pepinillos e o xamón cocido e sofritir durante 1 minuto. Por último, engadir os champiñóns e deixar que se fagan a lume lento, movendo a tixola de cada pouco.
5. Cando os champiñóns estean listos, mesturar a mostaza. Agregar a nata agre e d
6. eixar que coza todo ata conseguir unha salsa espesa.
7. Cando a salsa estea lista, engadir a carne e quentar, pero sen deixar cocer.  Condimentar con sal e pementa, adornar con perexil e servir ao prato.

Como guarnición, este prato adoita acompañarse de puré de patacas.

 Tartaletas de merengue con escuma de castañas (Suiza)

Vermicelli, así se chama esta sobremesa tan apreciada polos suízos. As mellores castañas de Suíza crecen no val de Bergell. Alí, rodeadas por grandes montañas de neve, crecen gran cantidade de castañas grandes e saborosas. O tempo ideal para cultivar as castañas no val de  Bergell é a mediados de outubro. Almacénanse en lugares frescos e ventilados para que duren todo o inverno.
Ingredientes para 4 persoas:
Para as tartaletas de merengue:

• 4 claras de ovo.
• 100 g de azucre.
• 120 g de azucre glass.

Para a escuma de castañas:

• Un chisco de sal.
• 100 ml de leite.
• ½ pau de vainilla.
• 350 ml de nata.
• 120 g de azucre.
• 2 culleradas de sobremesa de ron.

Para adornar:

• 25 ml de nata.
• 1 cullerada de azucre.
• 2 culleradas de pistachos partidos.
• 2  figos frescos.

Preparación:

1. Para facer as tartaletas de merengue, hai que bater as claras a piques de neve. Para iso é necesario bater engadindo aos poucos o azucre. Cando estean listas engádese ao azucre  glass, mesturando cunha culler de madeira.
2. Encher unha manga pasteleira con merengue e colocar unha boquilla ancha. Sobre unha bandexa con papel apto para o forno, debuxar espirais e rodear cada espiral con puntos ao redor. Deixar no forno durante 6 horas a 70º C.
3. Para facer a escuma de castañas, cortar as castañas pola parte redonda e tostalas no forno. Quitarlles a casca mentres están quentes, xa que é máis fácil. Poñelas nunha cazola cun pouco de sal e cubrilas con auga. Cocer durante 50 minutos, ata que estean brandas. Machucalas e pasalas por un pano fino.
4. Cocer o leite coa  vainilla. Cando chegue a ebulición, retirar a vainilla, engadir o puré de castañas e cocelo a lume forte sen deixar de mover ata que espese como unha  mousse. Agregar 100  ml nata e o azucre e deixar cocer de novo. Despois deixar arrefriar.
5. Doutra banda, bater o resto da nata co azucre sobrante, engadir o  ron e mesturalo co puré frío. Pasar a mestura polo pasapurés. Distribuílo nas  tartaletas e adornalo coa nata montada, os pistachos e os figos frescos.

Esperamos que vos gusten estas receitas e que vos animedes a facelas en casa. Somos conscientes de que algunha delas escapa das recomendacións dunha dieta saudable. Pero se practicas unha alimentación sa podes gozar ocasionalmente de todo tipo de comidas. Sobre todo se estás de visita en países que non coñeces!