O 18 de xuño celébrase por primeira vez o Día da Gastronomía Sustentable.
As tradicións locais de preparación de alimentos forman parte da cultura e identidade de cada comunidade. Este crisol crea un universo diverso e innumerable de opcións de produción, preparación e consumo de alimentos.  Estas prácticas son propias dos lugares nas que levan a cabo, sendo máis respectuosas social e  ambientalmente.
Este tipo de gastronomía pode desempeñar un papel fundamental no desenvolvemento sustentable, sobre todo das comunidades menos favorecidas, xa que promociona o desenvolvemento agrícola, a seguridade alimentaria, a nutrición, a produción sustentable de alimentos e a conservación da biodiversidade.
Poñer en valor os alimentos locais, de tempada, os procesos de produción e cociñado tradicionais. Algo tan sinxelo e, ás veces, tan esquecido como isto. Por iso é necesario un día da gastronomía sustentable para lembralo 😉  

5 principios da gastronomía sustentable

Os principios da gastronomía sustentables son os seguintes:

1. Mellorar a eficacia no uso dos recursos é crucial para a sustentabilidade da agricultura. Especialmente en zonas con condicións adversas debido á  desertificación, deforestación ou contaminación.
2. A sustentabilidade require actividades directas para conservar, protexer e mellorar os recursos naturais. As tradicións tenden a ser mais respectuosas co medio ambiente. Con todo, é necesario poñer especial atención aos distintos procesos para asegurar a súa máxima adecuación.
3. Unha agricultura que non logra protexer e mellorar os medios de vida rurais e o benestar social é insustentable. É indivisible o capital humano do capital produtivo da terra. Ambos teñen que ser sustentables.
4. Reforzar a resiliencia das persoas, comunidades e ecosistemas é fundamental para unha agricultura sustentable. A clave reside en empoderar ás persoas locais para recuperar as súas tradicións e soster un medio de vida delas, evitando os grandes  monocultivos.
5. Unha alimentación e agricultura sustentables necesitan mecanismos de  gobernanza responsables e eficaces. As regulacións dos propios países deben priorizar estes principios e integralos nas súas decisións e plans estratéxicos para asegurar o seu cumprimento.

Gadis e a Gastronomía Sustentable.

En  Gadis, ofrecemos produtos da mellor calidade, co mellor servizo ao mellor prezo. Con todo, iso non é impedimento para que teñamos especial atención aos hábitos de vida saudables e ao consumo responsable.
Levamos anos traballando nestes temas porque sabemos a importancia que teñen a nivel social, económico e ambiental non só localmente senón tamén globalmente. EA continuación, contámosvos algunhas das accións que desenvolvemos neste sentido.
Sensibilización e concienciación:

• Tráiler de alimentación saudable e consumo responsable. Unha exposición itinerante que conta con monitores especializados, que guían aos visitantes apoiándose en contidos multimedia, imaxes e textos didácticos adaptados a todos os públicos.
• Un mundo máis sustentables. Campaña de sensibilización localizada nos puntos de venta e nas redes sociais para dar a coñecer sinxelas accións que se poden realizar no día a día.
• Gadis saudable. Portal web que conten toda a información de nosas accións así como contidos en continua actualización.

Educación:

• Alimentes: o programa dirixido a escolares e profesorado con contidos adaptados ao currículo oficial de Galicia e Castela e León. Trabállanse os eixos de alimentación saudable, vida activa, consumo responsable e desperdicio alimentario. Temas clave da gastronomía sustentable.

Xestión:

• Oferta de produtos locais e de tempada. Buscamos ser a mellor referencia en produto fresco grazas aos máis de 800 provedores locais que nos abastecen.
• Axuste de stocks. Axustamos os stocks ao máximo para evitar o desperdicio alimentario.
• Compra informada. Ofrecemos a maior información aos nosos clientes con distintivos que axuden á compra. Atoparás produtos ecolóxicos e denominacións de orixe locais sinalizadas nas nosas tendas.

Os hábitos de alimentación e consumo teñen un gran peso sobre o desenvolvemento sustentable. Consumir produtos de tempada, locais e/ou ecolóxicos, axudan a minimizar os nosos impactos. Podes consultar o noso calendario de froitas e verduras se tes dúbidas sobre que alimentos están no seu punto.
Feliz día !