UN ANO MÁIS, SUMÁMONOS Á LA GRAN RECOGIDA

Unímonos un ano máis á campaña La Gran Recogida que leva a cabo a Federación Española de Bancos de Alimentos (FESBAL) en todo o territorio nacional. É a 12ª edición consecutiva que nos sumamos a esta iniciativa, que ten como obxectivo mellorar a situación de familias desfavorecidas da contorna máis próxima.

As formas de achegar un gran de area a esta causa social son dúas: facer unha achega económica ao pasar por caixa ou tamén doar alimentos non perecedoiros e produtos de hixiene nos espazos sinalizados para este fin nos establecementos de Galicia, Ávila, Ponferrada e Zamora.

La Gran Recogida empezará en Gadis este venres, 13 de novembro, e estenderase ata o 21. En total, pódese colaborar durante nove días nos 225 puntos de venda que temos repartidos en Galicia e Castela e León.

Agradecemos de antemán a solidariedade dos clientes coas accións de carácter solidario que poñemos en marcha, especialmente con esta campaña. Tamén a implicación dos voluntarios, cuxa presenza nos puntos de venda é fundamental para o éxito de la mesma.

Compromiso coa comunidade local

O compromiso coa comunidade está recollido no noso programa de Responsabilidade Social Corporativa, e é un dos principios que rexe a colaboración con La Gran Recogida. A recadación irá destinada a paliar as necesidades básicas dos bancos de alimentos cos que colaboramos de forma habitual: Banco de Alimentos Provincia da Coruña, Ourense, Lugo, Vigo, León, Ponferrada, Ávila, Zamora, Valladolid, Salamanca e Segovia.

Máis de 812.000 quilos de produtos e máis de 430.000€, grazas á solidariedade dos nosos clientes, é a axuda que recadamos nos últimos catro anos e que canalizamos a través desta rede de apoio local ás organizacións do terceiro sector para que poidan continuar desenvolvendo o seu importante labor en favor de toda a sociedade.