ALCANZAMOS OS 50 SUPERMERCADOS EN CASTELA E LEÓN CUNHA APERTURA EN SALAMANCA

Abrimos o noso sétimo supermercado en Salamanca, o número 50 en Castela e León. Unha apertura que leva consigo a contratación de 32 profesionais para dar o mellor servizo á clientela do establecemento da estrada de Ledesma, 65-69, na capital salmantina.

No que vai de ano, só nesta comunidade, inauguramos dous supermercados Gadis na provincia de León e outro en Valladolid, cidade na que tamén reformamos un punto de venda. Un crecemento que implica a incorporación de novo persoal a un cadro que, na actualidade, supera as 2.000 persoas.

A maior variedade do mercado O establecemento que estreamos en Salamanca dispón de máis de 1.000 metros cadrados de superficie total, nos que ofrecemos preto de 10.000 referencias, cos mellores produtos frescos e de proximidade, de marcas líderes, da marca propia IFA e numerosos artigos veganos, ecolóxicos, sen glute e a granel. Máxima variedade para dar total liberdade de elección.

En liña coa nosa filosofía, priorizamos o produto fresco a través das seccións de peixaría, carnicería, chacinaría, froitaría e panadaría, que ocupan espazos salientables no establecemento. Este modelo promove, ademais, a economía sostible ao forxar relacións estables con preto de 1.000 provedores locais.

Como un dos maiores compradores nas lonxas e portos galegos, combinamos esta orixe de proximidade cunha loxística eficiente, que permite trasladar o peixe e o marisco fresco aos puntos de venda en menos de 24 horas.

A sustentabilidade medioambiental e a eficiencia enerxética guiaron o deseño e a construción do supermercado, cuxo interior se caracteriza pola comodidade e a completa accesibilidade para a clientela, que pode facer a súa compra de 9:30 a 21:00 horas, de luns a sábado, ou tamén en www.gadisline.com.