En tempos de Entroido, nada senta mal ;)

Achégase unha das épocas do ano de maior diversión para adultos e nenos. Comparsas, festas, disfraces… A celebración máis colorida do ano! Porque, como ben di o refrán que dá título a esta entrada do blogue: en Entroido, nada senta mal!

A festa de Entroido

Ao redor do Entroido, ao longo dos anos, construíuse un conxunto de obras literarias, música e danza, tradicións culinarias, rituais e espazos culturais que forman parte do noso patrimonio inmaterial. De feito, en 2017, o Consello de Ministros do Goberno de España declarou a festa do entroido como Manifestación Representativa de Patrimonio Cultural Inmaterial.
Non se coñece con certeza as súas orixes. O que si é certo é que a festa, tal e como a coñecemos hoxe en día, é unha tradición de países católicos onde se festexaba un período de tempo onde a poboación podía gozar dunha dieta rica en carne, antes de comezar a Coresma.
En Galicia, o Entroido, o Carnaval (tamén coñecido como  Antroido ou  Introido) é unha das tradicións máis populares da comunidade, sobre todo na provincia de Ourense. Un reflexo disto é que segundo datos de  Turismo de Galicia (2014) máis de 175 concellos de Galicia declaran festivo local o luns ou o martes de Entroido ou o mércores de Cinza.

De festa por…

Galicia conta con oito festas de entroido declaradas de interese turístico. Pero hai moitas outras celebracións que, aínda que non contan con esta distinción, como o Oso de  Salcedo nas Terras de Lemos, o papagaio Ravachol en Pontevedra… etc., son igualmente espectaculares.
Figura mapa. Fonte: Turismo de Galicia.
O triángulo máxico conformado polos entroidos de Xinzo de Limia, Laza e Verín é a festa máis coñecida de Galicia. En Xinzo, as pantallas son personaxes típicos que vixían que todas as persoas cumpran o único requisito destes entroidos: ir disfrazados. En Laza, están os  peliqueiros. Personaxes con elegantes vestimentas que chegan a pesar 25 kg. aos que non se lles pode tocar, pero si insultar. E, en Verín, están os  cigarróns que o Domingo  Corredoiro celebran os saúdos de batallóns ao saír de misa, un evento que non debe perderse se celebras o entroido nesta localidade.
En Ourense tamén se atopa o entroido de Viana do Bolo onde os  boteiros e  folións (máscaras con traxes multicolores) percorren todas as aldeas do concello.
Para terminar a nosa viaxe pola provincia de Ourense, temos o Entroido de Manzaneda e o Entroido de Maceda. En Manzaneda non se pode deixar de ver o desfile de  folións e de participar da súa comida popular do martes de Entroido. Maceda atesoura outra xoia etnográfica coa figura dos  felos, máscaras  emparentadas cos  peliqueiros de Laza (soamente distínguense porque os  felos levan medias negras e os  peliqueiros brancas).
A provincia de Pontevedra conta co que é considerado o entroido máis elegante de Galicia: o Entroido de Cobres. As  madamas e os  galáns levan traxes espléndidos, que se relacionaban co status social das persoas. A Corrida  do Galo, o martes de entroido, é a cita máis importante da súa festa.
Por último, entre as provincias de Pontevedra e A Coruña atópase os  Xenerais da Ulla. Transcorre nos concellos de Santiago, Teo, Vedra, Padrón, Touro, Boqueixón, da ribeira norte do Ulla, e os seus paralelos na ribeira sur: Vila de Cruces, A Estrada e Silleda. Os protagonistas utilizan un medio de transporte para os seus desprazamentos: o cabalo. Teñen encontros (chamados  atranques ou altos) en determinados puntos xeográficos onde establecen unha batalla dialéctica.

 Un Entroido saudable? Claro que si!

Pode parecer que nesta época de música, alegría e diversión tendemos máis a despistarnos e esquecernos deses propósitos saudables cos que comezamos o ano. Aquí deixámosvos unha serie de ideas que che axudarán a gozar dun entroido máis saudable:

  • Almorza correctamente: tendo en conta que é posible que sexa a única comida do día que realices na túa casa, planifica un almorzo completo de alimentos  nutritivos. Proba a introducir uns ovos, lácteos sen  edulcorar, froita, froitos secos naturais…
  • Evita intoxicacións alimentarias: sabes que a seguridade alimentaria é un dos principios que máis coidamos en Gadis. Controla as condicións hixiénicas dos postos de comida, así como as condicións na manipulación de alimentos. Poderás previr algunha intoxicación alimentaria que, por desgraza, son tan frecuentes nestas festas.
  • Bebe con moderación: somos conscientes de que é moi difícil evitar o consumo de alcol nesta festividade. Tenta combinar bebidas alcohólicas con outras non alcohólicas e con auga.
  • Non excedas coas comidas: aquí tes moitas opcións. Se te fas unha comida forte (por exemplo, un cocido), tenta tomar unha cea lixeira. Se che encantan as filloas, tenta combinalas con froita. A verdura cocida (repolo e  grelos) non pode faltar nos teus pratos…etc.

E, sobre todo GOZA! Goza coas túas amigas e amigos. Coa túa familia. Coa túa parella. Coas túas fillas e fillos. Planea con eles uns disfraces divertidos. Esquéceche de princesas e superheroes e se orixinal. As risas están aseguradas!
En Gadis xa estamos con todos os preparativos en marcha. As nosas tendas engalánanse con máscaras e disfraces e o noso persoal involúcrase ao máximo coa celebración. Achégache ao teu  Gadis máis próximo e poderás coñecer en primeira persoa de que che falamos 😉
E QUE VIVA O ENTROIDO!
FONTES:

Deja un comentario