receita
Hai unha receita para cada momento e en Gadis queremos compartilas todas contigo.
Pizza con base de brócoli na tixola
Pizza de brócoli e sen forno. É posible? Siii! Receita sinxela, saudable e rápida. Vaiche encantar! A tempada do brócoli vai de decembro a abril. É unha hortaliza que contén vitaminas A e C e minerais como ferro e potasio. Ademais, é rico en fibra e mais en antioxidantes e é superbeneficioso para o organismo. Se o probas en forma de pizza vaite sorprender, seguro.
Imprimir receita
Equipamento
- Bol para mesturar os ingredientes da base
- Procesador de alimentos para triturar os ingredientes
- Tixola con testo para cociñar a pizza
- Coitelo para cortar os ingredientes
- Culler para engadir a salsa de tomate
Ingredientes
Base de brócoli
- 1 brócoli
- 3 ovos
- 2 culleradas de sementes de liño moídas
- 1 cullerada de AOVE
- 1 chisco de sal
- 1 chisco de pementa negra
Ingrediente ou topping
- 100 g de queixo afumado San Simón da Costa
- 50 g de lacón
- 3 culleradas de salsa de tomate frito
- 2 culleradas de champiñóns á prancha
- 2 culleradas de queixo relado emmental
- 1 cullerada de olivas negras
Elaboración paso a paso
Base da pizza
- Picar o brócoli cru e engadir os ovos e mais as sementes de liño moídas.
- Salpementar, triturar todos os ingredientes e verter a mestura nunha tixola con AOVE.
- Tapar e cociñar a lume lento durante 5 min.
Ingredientes ao gusto ou toppings
- Engadir a salsa de tomate, os champiñóns, o queixo, o lacón e as olivas cortadas.
- Tapar e cociñar durante un par de minutos máis.
- Retirar e deixar arrefriar.
Video
Notas
Engádelle ingredientes ao teu gusto
