receita
Hai unha receita para cada momento e en Gadis queremos compartilas todas contigo.
Albóndegas en salsa española
Estas albóndegas 100% vexetais están inspiradas na receita clásica, pero elaboradas sen ingredientes de orixe animal, ofrecen unha textura zumarenta e un sabor reconfortante que conquista a calquera padal. Son ricas en proteínas, económicas e moi fáciles de preparar que se converterán nun básico do teu receitario.
Imprimir receita
Equipamento
- 1 Batedor
- 1 Bol
- 1 Táboa de madeira
- 1 Coitelo
- 1 Tixola
Ingredientes
- 100 g soia texturizada
- 2 uds cebola
- 2 uds cenoria
- 1 ud pemento vermello
- 200 g tomate triturado
- 50 ml viño tinto
- 400 ml caldo de verduras
- 4 cdas sopeiras de avea en flocos
- 2 cdas sopeiras de fariña fina de maiz(maicena)
- 2 culleradiñas sal
- 1 culleradiña pemento doce
- 1 manojo pequeno de pirixel fresco
- 2 uds dentes de allo
- 1 cda salsa de soia
- Aceite
Elaboración paso a paso
- Hidrata a soia nun bol amplo en auga quente cun chorriño de salsa de soia durante 20 minutos.
- Mentres, refoga unha cebola e dous dentes de allo ben picadiños nunha tixola cun chorrño de aceite de oliva e sal. Despois duns minutos, agrega pirixel picado, mestura e apaga o lume.
- Escorre ben a soia, axudándote dun coador amplo e dunha culler para apertar a soia e que caia todo o líquido posible (este líquido queda xenial nunha sopa tipo ramen, por se qures aproveitalo ou conxelalo. Ten moito sabor e proteínas).
- Mestura a soia escorrida cunha culleradiña de sal, outra de pemento doce, a cebola, o allo e o pirixel refogados, a avea e a fariña de millo. Mestura todo coa axuda dunha culler e tritura cun batedor ou procesador ata conseguir unha mestura homoxénea.
- Deixa que repouse 10 minutos no frigorífico e fai boliñas. Saen unhas 25; podes cociñalas na fritidora de aire, con aceite de spray por enriba, 10 minutos a 190 graos ou douralas na tixola.
- Para a salsa española: refoga 2 cebolas e 2 cenorias peladas e cortadas, con 1 pemento vermello tamén cortado en anacos, nunha tixola con fondo de aceite. Cando as verduras estean douradas, agrega o tomate triturado, o viño, mestura de novo e agrega o caldo. Deixa que se cociñe todo xunto durante uns 15 minutos. Tritura e mestura coas albóndegas. Deixa que se cociñe todo xunto un par de minutos e listo!.
