receita
Hai unha receita para cada momento e en Gadis queremos compartilas todas contigo.
Bizcoito de iogur e cacao
Hai receitas clásicas que nunca pasan de moda, e este biscoito de iogur é unha delas. Esponxoso, sinxelo e con ese aroma tan característico da repostería caseira, é un doce que evoca os sabores de sempre. Unha receita tradicional que mantén toda a súa esencia, cun pequeno toque persoal: o uso de iogur grego para conseguir unha textura aínda máis cremosa. Nesta versión, o cacao e o limón únense para crear un fermoso efecto marmoreado, perfecto para gozar en calquera momento do día.
Imprimir receita
Equipamento
- 1 Bol amplio
- 1 Batidora
- 1 Molde
- 1 Forno
- 1 Relador
Ingredientes
- 1 Iogur griego sen azucre
- 250 g de azucre
- 225 g de fariña de trigo
- 110 ml de aceite de xirasol
- 8 g levadura para postres
- 25 g cacao en polvo
- 3 Ovos
- 5 ml de viño doce Oporto
- 1 Pel de limón
- Manteiga
- Azucre glas
Elaboración paso a paso
- Nun bol amplo, mestura o iogur co azucre, a fariña, o fermento, os ovos, o aceite de xirasol e a reladura de limón.
- Bate moi ben coa batedora ata obter unha crema homoxénea.
- Prequenta o forno a 170 °C, con calor arriba e abaixo.
- Unta o molde con manteiga.
- Divide a masa en dúas partes e bota unha delas no molde.
- Á outra parte engádelle o cacao, un chorriño de Oporto e mestura ben.
- Verte a mestura de cacao formando un fío no centro.
- Enforna durante 40 minutos ou ata que, ao introducir un escarvadentes, saia limpo. (Evita abrir o forno durante os primeiros 25 minutos para que o biscoito non perda volume)
- Deixa arrefriar o biscoito antes de desmoldalo. Unha vez frío, espolvorea por riba unha chuvia de azucre glas e listo!