receita
Hai unha receita para cada momento e en Gadis queremos compartilas todas contigo.
Gnocchis cremosos con cabaza e espinacas
Estes gnocchis cremosos con cabaza e espinacas son a receita perfecta para dar a benvida ao outono. A cabaza, coa súa dozura natural e a súa cor cálida, convértese na protagonista dun prato reconfortante que combina á perfección coa suavidade da crema e o frescor das espinacas. É unha preparación sinxela pero moi vistosa, ideal para gozar nesta tempada na que apetecen pratos máis cálidos, nutritivos e cheos de sabor caseiro.
Imprimir receita
Equipamento
- 1 Táboa
- 1 Coitelo
- 1 Fonte de forno
- 2 Cacerolas
- 1 Rallador
Ingredientes
- 300 g cabaza
- 1 Cebola
- 200 ml nata líquida
- 500 g gnocchi
- Sal
- Aceite de oliva
- Noz moscada
- 150 g espinacas
- 150 g mozzarella
Elaboración paso a paso
- Lavar e cortar a cabaza en toros finos. Dispoñer nunha fonte de forno con aceite de oliva e enfornar a 180º 20 minutos ou en Airfryer 180º 12/15 minutos.
- Triturar a cabaza e reservar.
- Nunha cazola saltear unha cebola picada, 10 minutos.
- Engadir a cabaza triturada, a nata líquida, noz moscada e sal. Remover 2 minutos.
- Cocer os gnocchi (están feitos cando comezan a flotar), poñer un cazo da auga de cocción na mestura anterior e agergar as espinacas, Cociñar o conxunto 3 minutos.
- Escorrer os gnocchi e engadilos tamén, remover, agregar o queixo e servir inmediatamente.
