PROVEDORES LOCAIS

O modelo de distribución de Gadis está caracterizado pola proximidade e conta cunha ampla representación de provedores familiares e rexionais de España. Demostrou, ademais, ser o máis positivo para todos os axentes implicados: provedores e provedoras, clientela e sociedade en xeral. Esta aposta permítenos ter un coñecemento profundo do territorio e manter un compromiso firme co seu desenvolvemento e crecemento, impulsando a economía local ao optar por produtos de proximidade e manter relacións duradeiras e estables cos provedores.

Que facemos en Gadis?

O noso vínculo co territorio levounos a traballar nun modelo de negocio que xera un impacto positivo na contorna. Formamos parte da cadea de valor alimentaria, un piar esencial para garantir a calidade de vida das persoas e o crecemento de pemes, cooperativas e empresas familiares. Así mesmo, creamos alianzas a longo prazo cos provedores e provedoras que nos abastecen, construíndo un sistema de aprovisionamento local, sostible e responsable.

O noso modelo de selección de provedores prioriza a súa proximidade non só para abastecernos de produtos frescos, senón tamén para fortalecer o tecido produtivo, potenciar o sector agropecuario, xerar emprego de calidade nas comunidades nas que estamos presentes e coidar o planeta.

Por que?

Para Gadis é crucial que o modelo de negocio contribúa ao crecemento e desenvolvemento do territorio. Por iso, unha das nosas prioridades é ofrecer produtos de máxima excelencia e de proximidade que teñan un impacto ambiental, social e económico positivo na nosa contorna.

Impacto

No ano 2022, realizáronse compras por 466 millóns de euros a provedores de Galicia e Castela e León e trabállase a diario con 2.125 provedores e provedoras de proximidade,, dos cales 1.021 son de alimentación.

Obxectivos de Desenvolvemento Sostible