SISTEMA LOXÍSTICO EFICAZ E SOSTIBLE

Que facemos en Gadis?

As orixes de Gadis sitúannos en Galicia e en Castela e León e son estes territorios dous espazos fundamentais no noso compromiso e responsabilidade co medioambiente. Os nosos dous principais centros loxísticos atópanse en Betanzos e en Medina del Campo, con plataformas propias para produtos frescos, froitas e verduras e outros produtos perecedoiros, e produtos non perecedoiros. Ademais, para transportar o peixe en menos de 24 horas contamos con plataformas loxísticas directamente nas lonxas da Coruña e Vigo e un establecemento para a redistribución en Valladolid. Nestes centros trabállase cun sistema de xestión por radiofrecuencia e automatizado que nos permite aproveitar todos os recursos e minimizar o desperdicio alimentario.

Aos nosos centros loxísticos chegan os produtos de moitos dos provedores de Gadis. A nosa aposta polos produtos de proximidade fai que os nosos provedores sexan de proximidade e se despracen desde localidades próximas a Gadis, apostando polo principio do km0. Tamén contamos cunha frota propia de 234 vehículos nos que optimizamos todos os seus roteiros para minimizar desprazamentos cara ás nosas tendas e xerar menos impactos negativos. Esta capacidade loxística permítenos chegar a todo tipo de clientela, desde os ámbitos urbanos aos rurais, facendo a compra de produtos frescos e non perecedoiros máis accesible.

A loxística inversa permítenos recuperar os residuos orixinados nas tendas para a súa correcta separación selectiva evitando que circulen camións baleiros, axudando a reducir, aínda máis, a nosa pegada de carbono.