PRODUTOS DE PROXIMIDADE

Que facemos en Gadis?

Gadis é unha das pezas que forma parte da cadea de valor da alimentación . A través dela, transmitimos os nosos valores como a calidade e o fortalecemento das nosas comunidades, e facémolos chegar a todas as persoas implicadas na cadea: desde as pequenas agricultoras e agricultores ata a clientela.

Nas nosas seccións de produto fresco peixaría, carnizaría, froitaría, charcutaría e panadaría), priorizamos os alimentos de proximidade, frescos e de tempada. É unha maneira de favorecer a adopción de hábitos de vida saudables e unha das mellores opcións para o planeta, polo seu menor impacto ambiental, ao ser produtos elaborados preto das nosas instalacións. Coa compra de produtos a provedores e provedoras locais, ademais de aumentar a eficiencia, impulsamos o desenvolvemento social, laboral e económico de Galicia e Castela e León. E facémolo con alianzas a longo prazo cos provedores e provedoras de proximidade que nos abastecen.