Meatloaf de Tina
Meatloaf de Tina
Disque un non se vai de todo mentres haxa alguén que o lembre. E hai pratos que fan xusto iso: manter acesa unha historia. A miña nai chegou a Galicia con 22 anos desde Nova York pensando que serían unhas simples vacacións. Quedou 30 anos nos que tivo 3 fillos, que adoran a cociña, en gran parte, grazas a ela (cada un ao seu xeito). Medramos cunha mestura de sabores e cunha mestura entre Nova York e Galicia: empanadas, cookies, lentellas, albóndegas, pizzas de todo tipo e, por suposto, o seu famoso "meatloaf" que, aínda hoxe, seguimos cociñando sen igualar nunca a orixinal. Hoxe quero gardar un anaco nas nosas lembranzas en forma de prato para que nunca esquezamos o que vivimos e o moito que a queremos. Love you, Mum.
*Receita orixinal en castelán
*Receita orixinal en castelán
Categoría Carnes
Comensais
Tempo de elaboración 1 hour
Tempo de cocción 1 hour
Ingredientes:
Para o meatloaf:
- 700 g de carne picada de tenreira
- 300 g de carne picada de porco
- 1 Cebola grande
- 2 Dentes de allo
- 2 Ovos
- 2 Rebandas de pan de molde
- 100 ml Leite
- 2 culleradas Tomate concentrado ou tomate frito espeso
- Pirixel picado
- Sal
- Pementa negra
- Aceite de oliva
Para a salsa de tomate:
- 400 g Tomate triturado
- 1/2 Cebola pequena
- 1 Dente de allo
- 2 culleradas Aceite de oliva
- Sal
- Pementa
- Loureiro
- Ourego ou alfábega
- 1 culleradiña de azucre
Preparación:
Preparación:
- Prequenta o forno a 180 ºC
- Pica a cebola e mais os allos. Rustre a cebola grande e 2 dentes de allo cun pouco de aceite ata que estean brandos.
- Mestura o leite co pan de molde e deixa repousar 2 minutos.
- Nun bol grande, mestura a carne picada, a cebola e os allos rustridos, os ovos, o pan mollado en leite, un tomate concentrado, o pirixel, o sal e mais a pementa.
- Mestura ben coas mans sen compactar demasiado.
- Forma unha peza alongada e colócaa nunha bandexa ou nun molde.
- Mete no forno durante 55-60 minutos
Para a salsa:
- Rustre a media cebola e o allo no aceite.
- Engade o tomate triturado.
- Engade sal e pementa.
- Engade ourego ou alfábega.
- Cociña a lume lento 15-20 minutos ata que espese.
- Recoméndase ir glaseando a salsa de tomate paseniñamente aos poucos no forno, en 3 veces. Unha cada 20 minutos.
- Deixar repousar o meatloaf durante 10 minutos antes de cortar.
- Sirve coa salsa quente por enriba ou á parte.
- Acompañamento recomendado: puré de patacas / chícharos con manteiga.