Beneficios e contraindicacións do queixo crema

Quen non ten sempre na casa unha terrina de queixo crema? Un produto moi versátil e variado que che permite múltiples usos. Pódelo untar en tostas, empregar nunha ensalada e mesmo como ingrediente para elaborar tartas e doces. Pero, coñeces os beneficios e contraindicacións do queixo crema? Este tipo de queixo caracterízase por ter unha textura cremosa e sinxela de untar. Considerado dentro dos queixos frescos, o de crema é de cor branca e cun sabor suave. No teu supermercado Gadis de cada día poderás atopar unha gran variedade de queixos crema para todos os gustos.

Beneficios do queixo crema

Os beneficios do queixo crema son moi variados. De feito, aporta proteínas esenciais para o crecemento e mantemento dos músculos, a pel, o pelo ou as unllas. Ademais, conta con graxas saudables que son toda unha fonte de enerxía para o organismo. Dentro dos minerais, o queixo crema aporta un elevado contido en fósforo. Este mineral axuda a facilitar a dixestión, a limpar os riles e a fortalecer ósos e dentes. Así mesmo, o queixo crema contén ácido fólico co que se pode previr certas enfermidades na medula espiñal e o cerebro. Hai que destacar tamén entre os beneficios do queixo crema que conta con vitaminas do tipo A, D, B2, B3 e B12. A vitamina A axuda a manter a visión e a un mellor funcionamento do corazón, os riles e os pulmóns. A vitamina D, pola súa parte, axuda a absorber o calcio que precisan os ósos. Por último, é importante sinalar que o queixo crema contén desoxidantes, pode ter efectos probióticos e é baixo en lactosa.

Contraindicación dos queixo crema

Igual que cos beneficios, tamén debes coñecer algunhas das contraindicacións do queixo crema. Por un lado, ten menos proteínas co queixo brando ou o queixo de cabra. Ademais, trátase dun tipo de queixo que ten un elevado aporte de graxas e calorías. É por isto polo que se recomenda un consumo moderado de queixo crema en calquera dieta que teñamos. Precisamente, moitas destas graxas son saturadas, aqueles que se converten nun factor de risco para desenvolver colesterol e problemas de obesidade. Pero sempre e cando o consumo de queixo crema sexa moderado, non debes preocuparte. Ademais, o nivel de graxas e calorías dependerá da cantidade que conteña, xa que non todos os queixos crema son iguais. Por último, hai que dicir que a vida útil do queixo crema é relativamente curta. O procesamento, o envasado e o almacenamento afectan ó tempo que pode permanecer fresco. Tal e como podes ver, o queixo crema ten unha alta cantidade de graxa e menos proteínas en comparación con outros tipos de queixo. O seu consumo debe ser en todo momento moderado. Sen embargo, tamén conta cun alto aporte de vitaminas e fósforo e é baixo en lactosa. Coñecer os beneficios e contraindicacións do queixo crema axudarache a elixir a marca máis adecuada para ti.