Pescada dúas salsas estival
Esta pescada dúas salsas estival é moito máis que unha receita deliciosa: é un prato cheo de recordos e tradición familiar. Unha receita da avoa que combina o sabor da pescada cunhas salsas frescas e perfectas para o verán, converténdoa nunha proposta sinxela, saborosa e cargada dese toque especial que teñen as receitas que pasan de xeración en xeración.
Imprimir receita
Equipamento
- 1 Tarteira
Ingredientes
- 2 Lombos de pescada fresca
- 4 Langostinos conxeados
- 2 Patacas
- 4 cda maionesa
- 10 ml brandy
- 2 cda ketchup
- 2 cda zumo de laranxa
- 1/2 Cebola doce
- 1 Ovo cocido
- Perexil
- Aceite ao gusto
- Sal ao gusto
- Soia ao gusto
- Loureiro ao gusto
- Vinagre ao gusto
Elaboración paso a paso
- Cocemos en auga con sal e loureiro os 4 lagostinos e os 2 lombos de pescada durante 3 minutos. Retiramos e arrefriamos. Aproveitando a saborosa auga de cocer os lagostinos e a pescada, cocemos nela as patacas peladas e cortadas en cuadradiños. Cando estean brandas pero enteiras, uns 8 minutos, retirámolas e arrefriamos.
- SALSAS: Salsa cocktail: Maionesa + ketchup + cullerada de zume de laranxa + cullerada de brandy. Salpicón de Romana: cebola doce + moito perexil + ovo duro, picados moi miúdos e emulsionados con aceite virxe, sal, vinagre e mostaza. (A miña única achega á causa é cambiar a mostaza que poñía a miña avoa por salsa de soia).
- Colocamos nun prato o lombo de pescada cocido e frío, tapamos cada metade con cada unha das salsas, engadimos as patacas cocidas e algún lagostino ben disposto, e prato listo para desfrutar!