Biscoito glaseado de laranxa
Un biscoito clásico e doado de preparar, perfecto para almorzos, merendas ou para compartir en reunións familiares. A súa textura esponxosa e o seu delicado sabor cítrico convérteno nunha receita irresistible para calquera ocasión. Ademais, o glaseado de laranxa achega un toque doce e aromático que intensifica aínda máis a súa frescura e fai que cada bocado sexa aínda máis zumento e especial.
Imprimir receita
Equipamento
- 1 Bol
- 1 Batedor
- 1 Relador
- 1 Espremedor
- 1 Molde de silicona
- 1 Báscula
- 1 Reixa
- 1 Espátula/Lingua
- 1 Forno
Ingredientes
- 1 Iogur sen azucre
- 240 g azucre
- 200 g fariña de trigo
- 3 Ovos
- 120 ml aceite de xirasol
- 10 ml zume de laranxa
- 1 Reladura de laranxa
- 16 g fermento
- 210 g azucre glas
- 60 ml zume de laranxa. Para o glaseado
- Hortelá/Menta. Para decorar
Elaboración paso a paso
- Nun bol incorpora o iogur, o azucre, os ovos, o aceite de xirasol, a reladura dunha laranxa, 10 ml do seu zume, fariña e fermento. Integramos co batedor ata obter unha mestura homoxénea.
- Prequenta o forno a 170 °C.
- Engraxa un molde de silicona duns 20 cm, verte a masa, golpea suavemente o molde sobre a encimeira para eliminar burbullas de aire.
- Mete no forno durante 40 min ou ata que ao insertar un escarvadentes saia limpo e o biscoito presente unha cor dourada uniforme.
- Deixa arrefriar dentro do molde sobre unha reixa.
- Mestura o azucre en po co zume de laranxa ata obter un glaseado liso, denso e sen grumos.
- Saca do molde o biscoito xa temperado e colócao sobre a reixa.
- Verte o glaseado por enriba deixando que caia de forma natural polos bordos.
- Decora con reladura fresca de laranxa e cunhas follas de menta ou de hortelá e listo.