Focaccia de primavera
Esta focaccia de primavera é unha forma deliciosa de celebrar a chegada do bo tempo. A súa masa esponxosa e lixeiramente crujiente por fóra serve como base perfecta para unha decoración vibrante de verduras de tempada, que achegan cor, frescura e sabor. É unha receita tan vistosa como saborosa, ideal para compartir en comidas ao aire libre ou para dar un toque especial a calquera mesa primaveral.
Imprimir receita
Equipamento
- 1 Forno
- 1 Ola de ferro
Ingredientes
- 500 g fariña de forza
- 340 g auga
- 25 g fermento fresco
- 10 g sal
- 2 cdas aceite de oliva
- 100 g verduras de colores. Cebola morada, pemento, espárragos e cherries.
Elaboración paso a paso
- Nun bol disolvemos o fermento en auga morna con azucre.
- Engadimos a fariña, o aceite e o sal e amasamos.
- Tapamos e deixamos repousar ata que dobre o volume.
- Volvemos amasar para desgasificala e facemos unha bóla.
- Collemos a nosa bandexa ou, no meu caso, unha pota de ferro e enzoufámola con aceite.
- Poñemos a masa no centro e estirámola lixeiramente ata ocupar toda a superficie da pota.
- Deixamos que dobre o volume e, mentres, cortamos as verduras e decidimos un pouco o deseño da focaccia.
- Eu cortei o pemento amarelo para facer pétalos de flor, cherrys á metade para facer unhas flores máis pequenas e a cebola en rodas de 1,5 cm aprox. Os espárragos verdes corteinos máis pequenos para facer un pouco máis de céspede.
- Prequentamos o forno a 200 ºC.
- Cando xa medrou un pouco, colocamos as verduras sobre a masa, poñemos a tapa da pota e metemos no forno uns 15 minutos.
- Pasado este tempo, retiramos a tapa para que se doure por enriba (se o fas nunha bandexa, igual tes que poñer un pouco de papel de aluminio para que non se queime).
- Sacamos do forno e a desfrutar. Podedes comela tal cal ou reenchela co que vos guste.