Trufas de chocolate para Samaín
Prepárate para un doce feitizo chocolatoso! Estas trufas de chocolate para Halloween son tan irresistibles que ata as pantasmas sairán das súas tumbas para probar unha. Coa súa textura cremosa, o seu sabor intenso e unha decoración horrible, son a sobremesa perfecta para sorprender na noite máis monstruosa.
Imprimir receita
Equipamento
- 1 Bol
- 1 Cazo
Ingredientes
- 1 Biscoito de cenoria
- 3 cdas queixo crema
- 1 culleradiña Canela
- 1 tableta chocolate branco
- 1 tableta chocolate negro
- Decoración de halloween (Boliñas de cores, ollos de azucre, etc.)
Elaboración paso a paso
- Empezaremos a receita esmigallando o biscoito nun bol.
- Deseguido, engadimos o queixo crema, a canela e mesturamos ata que quede todo integrado.
- Agora, facemos boliñas coa masa e ímolas colocando nun recipiente.
- Unha vez que teñamos todas, deixamos repousar no conxelador. É simplemente para que estean frías, así que abonda con 5 ou 10 min.
- Mentres, fundimos o chocolate negro ao baño maría.
- Sacamos as boliñas do conxelador, bañámolas co chocolate e deixamos arrefriar na neveira uns 10 minutos.
- Para facer as trufas brancas facemos o mesmo procedemento. Fundimos o chocolate branco e bañamos as boliñas. Para facer o efecto momia, soamente poñemos nunha manga pasteleira un pouco de chocolate branco e facer unhas liñas anchas, pegamos dous olliños e listo.