Go Back
–+ servings

Muffins con queixo afumado

Estes muffins con queixo afumado son unha deliciosa alternativa aos clásicos doces. A súa textura esponjosa e o seu aroma irresistible fan que sexan perfectos para un almorzo diferente, un brunch ou mesmo como acompañamento en comidas e ceas lixeiras.
O queixo afumado achega un carácter único: profundo, lixeiramente tostado e con ese toque artesanal. Combinados con herbas frescas ou un punto de especias, estes muffins convértense nun bocado cheo de personalidade.
Autor/a: Lucía Sigler - Lambonadas de Galicia
Etiqueta/s:Aperitivo, Muffins, Queixo, salgado
Imprimir receita
Tempo de preparación20 minutes
Tempo de cocción20 minutes
Tempo total40 minutes
Prato Aperitivo
Cociña Española
Racións 12 persoas

Equipamento

  • 1 Bol
  • 1 Molde para muffins
  • 1 Forno

Ingredientes
  

  • 280 g fariña
  • 2 sobres gasificantes
  • 250 g queixo afumado
  • 30 g perexil fresco
  • 1 ovo
  • 3 iogures estilo grego
  • 3 cdas aceite de oliva

Elaboración paso a paso
 

  • Poñemos nun bol o ovo xunto co iogur e o aceite de oliva. Removemos ata integrar todo.
  • Engadimos o queixo raiado, o perexil e removemos. 
  • Incorporamos a fariña e o gasificante. Tan só removemos ata integrar, nin máis nin menos. 
  • Poñemos a prequentar o forno a 200 °C.
  • Coa masa xa lista, é hora de botala nos nosos moldes para muffins ou madalenas. 
  • Antes de metelos ao forno podedes engadirlle un pouco máis de queixo relado por encima, así quedarán máis doraditos e ricos. 
  • Agora si, metémolos ao forno a 200ºC durante uns 20 minutos.
  • Deixamos arrefriar nunha reixa e a gozar.