Pastel de torradas francesas con figos e crema de natillas
Imaxínaste unha sobremesa fresca, lixeira e chea de contrastes? Este pastel de torradas francesas con figos e crema de natillas teno todo: a suavidade dun pan aromatizado con canela, a cremosidade da vainilla e o toque zumarento e caramelizado dos figos. Unha proposta orixinal, sen glute e moi fácil de preparar, que ademais non require forno, polo que resulta ideal para sorprender no verán sen complicacións. Unha receita que convirte ingredientes sinxelos nunha experiencia deliciosa e elegante.
Imprimir receita
Equipamento
- 1 Recipiente rectangular
- 1 Garfo
- 1 Culler
- 1 Coitelo
- 1 Táboa
- 1 Tixola
- 1 Prato
Ingredientes
- 8 rebanadas pan de molde sen glute
- 2 uds ovos
- 250 g natillas
- 200 ml bebida vexetal de améndoa
- 120 g queixo Ricotta
- 25 g manteiga sen sal
- 1 cdta canela
- figos, moras e amorodos
Elaboración paso a paso
- Bater os ovos nun recipiente rectangular xunto coa bebida de améndoa e a canela e mollar o pan durante uns segundos.
- Quentar unha tixola a lume medio con manteiga e cociñar as rebandas de pan polos dous lados durante un par de minutos.
- Saltear os figos en anacos cun pouco de manteiga, a lume lento, durante cinco minutos.
- Mesturar as natillas co queixo ricotta e colocar as torradas francesas sobre un prato.
- Engadir a crema e incorporar os figos cociñados. Repetir o proceso con todo o pan, a crema e os figos.
- Agregar a crema sobre as últimas torradas e decorar con moras, amorodos e figos. Acabadiño de facer está... delicioso!