Sándwich sen pan á italiana
Se pensabas que un sándwich sen pan era imposible, este bocadillo á italiana demostrarache o contrario. Cunha base sorprendente de finísimas láminas de batata e queixo fundido, conseguimos unha estrutura dourada e crujiente que envolve un recheo cheo de sabor. Unha alternativa orixinal, nutritiva e con todo o encanto mediterráneo que converterá unha comida sinxela nun auténtico festín.
Imprimir receita
Equipamento
- 1 Forno
- 1 mandolina ou coitelo afiado
Ingredientes
- 1 Boniato pequeno
- 1 Mozzarella
- 100 g Queixo Mozzarella relado
- 6 liscos lacón ou xamón york
- 1 Tomate cherokee grande
- Salsa pesto e rúcula ao gusto
Elaboración paso a paso
- Pelamos unha batata e, con axuda dunha mandolina, cortamos 24 rebanadas de grosor intermedio.
- Colocámolas sobre papel vexetal nunha bandexa de forno, tal e como aparecen na foto e cubrímolas con queixo para que funcione de "pegamento" entre os discos de batata. Tede coidado de cubrir ben as unións das rebanadas, pero sen chegar moi ao bordo para que non se salga o queixo ao quentarse no forno.
- Introducimos 10 minutos en forno prequentado a 190º con coidado de que non se queime o queixo pero quédenos doradito. Deixamos arrefriar.
- Untamos unha cara cun pouco de pesto e sobre o colocamos a rúcula para que quede pegada. A continuación o tomate en toros grosos. Sobre o tomate a mozzarella tamén en liscos e terminamos con 2 ou 3 liscos de lacón, de bo xamón york, ou, mellor aínda, dunha boa mortadela italiana.